اكتەر ءارى قر ەڭبەك سىڭىرگەن قايراتكەرى بەكجان تۇرىس الەۋمەتتىك جەلىدە جازىلىپ جاتقان پىكىرلەردىڭ مازمۇنى ورازا ايى بىتە سالىسىمەن بىردەن وزگەرىپ سالا بەرگەنىن بايقاعانىن ايتادى. قوعام قايراتكەرى مۇنى جاراتقان مەن ادامنىڭ ءوزىنىڭ الدىنداعى جاساندىلىققا تەڭەدى. بۇل تۋرالى Stan.kz حابارلايدى.

“كوز تازاسى نە كەرەك؟-دەگەن xالىق دانالىعىن ايتام. سانا مۇقالدى ما، ايتەۋىر بۇگىن دە xالىق دانالىعىنا قۇلاق اسپايتىن بولدىق قوي. كۇنى كەشە عانا ورازا ايىندا كەلبەتىمىزدەن يماندىلىقتىڭ نۇرى توگىلىپ، جۇرەككە قۋانىش، كوڭىلگە شۋاق، قۇلاققا جىلىلىق سىيلاپ، ىزگىلىك، تازالىق، ادامگەرشىلىك جايىندا عيبراتتى اڭگىمەلەر ايتىپ، ءبىر-بىرىمىزبەن قۇشاقتاسىپ، ءبىر-بىرىمىزبەن دوس باۋىر قىلعان قيماستىق سەزىمدەر-اي.

ورازا وتە سالا ارسىز تىرلىككە قايتا كوشىپ قاباعى قاتۋلانعان پەندەلەردىڭ ءبىرىن-ءبىرى عايباتتاپ، ءبىرىن ءبىرى بوقتاپ جاتقانىن كورىپ قايران قالدىم. سوندا بۇل نە، جاساندى قۇرمەت پە؟ الدە قۇدايدى دا، ءوزىمىزدى دە الداۋ ءۇشىن جاسالىپ جاتقان ۋاقىتشا عانا قايىرىمدىلىق، ۋاقىتشا عانا ادامگەرشىلىك، ۋاقىتشا عانا ىزگىلىك، ۋاقىتشا عانا يماندىلىق پا؟ ادامشا ءومىر سۇرۋگە نە جەتپەيدى؟ ەسەپتەن دە، وسەكتەن دە بيىك تۇراتىن ءبۇتىن كوڭىلدىڭ يمانىن جوعالتىپ المايىقشى باۋىرلار”، – دەيدى ول.

جەلى قولدانۋشىلارىدا وسى تاقىرىپقا قاتىستى ءتۇرلى پىكىر بىلدىرگەن. “وكىنىشكە وراي، سولاي اعا. ورازا تۇتۋ “مودا” بولدى. ال يمانى جۇرەگىندەگىلەر جىل ون ەكى اي قالىپتى عوي”، “دەسەك كەيبىرەۋلەر ورازا بولماعان، اسساۋم بولعان.

وسى اي باستالعالى قىزىل، جاسىل، سارى دەڭگەيلەردى كورىپ جۇردىك ەمەس پە؟! تىپتى ءبىز ۇلگى تۇتىپ جۇرگەن ءبىر مەملەكەتتە وسى ايدىڭ اياقتالۋىنا كۇتپەي-اق جارىلىس بولدى. ءتىپتى، قاي جەردە بولدى دەسەڭىزشى… وي ءتۇيۋ كەرەك سياقتى”، – دەيدى ولار.

Abai.kz