اۋىل ماڭايىنداعى جالعا بەرiلiپ، ساتىلىپ كەتكەن جايىلىم جەرلەر كەرi قايتارىلۋى مۇمكiن. ءارi مۇنداي جەرلەردi جەكە مەنشiككە دە، جالعا دا بەرۋگە قاتاڭ تىيىم سالۋ قاراستىرىلادى. بۇل تۋرالى قىزىلوردا وبلىسىندا وتكەن جەر رەفورماسى جونiندەگi كوميسسيانىڭ كوشپەلi وتىرىسىندا ايتىلدى، دەپ حابارلايدى BNews.kz تiلشiسi.

قر اۋىل شارۋاشىلىعى ۆيتسە-مينيسترi ەرلان نىسانباەۆ جەر رەفورماسى جونiندەگi كوميسسيانىڭ بەس وتىرىسىنىڭ قورىتىندىسى بويىنشا ازiرلەنگەن ناقتى ۇسىنىستاردى جەتكiزدi.

«حالىقتىڭ نازارىندا بولىپ وتىرعان ەلدi مەكەن شەگiندە حالىقتىڭ جەكە مالىن جايۋعا ارنالعان جەرلەرگە توقتالىپ وتسەم. قازiرگi جاعدايدا ەلدi مەكەن شەگiندەگi جايىلىمداردى جالعا بەرۋگە تىيىم سالىنباعان. ال ونىڭ ماڭايىنداعىلار جەكە مەنشiككە بەرiلەدi. ال اۋىلداعى حالىقتىڭ مالىنا جايىلىمدار جەتكiلiكسiز. سوندىقتان ەلدi مەكەن شەگiنەن تىس جەرلەردەگi راديۋستى، حالىق قاجەتتiلiگiنە كەرەك جايىلىم جەرلەردi انىقتاۋ كەرەك. كەلەسi رەتتە وسى ەلدi مەكەن شەگiنەن بەرiلiپ كەتكەن جايىلىمدارعا تالداۋ جاساپ، ولاردى كەرi قايتارۋدى قاراستىرۋ جانە مۇنداي جەرلەردiڭ جەكە مەنشiككە دە، جالعا دا بەرiلۋiنە قاتاڭ تىيىم سالۋدى ەسكەرگەن ورىندى بولار. بۇل مەنiڭ باياندامام كەلiپ تۇسكەن ۇسىنىستاردىڭ قورىتىندىلارى نەگiزiندە دايىندالعان»، — دەپ اتاپ ءوتتi ە.نىسانباەۆ.

ايتا كەتەيiك، سونداي-اق، بiر قولعا جالعا بەرiلەتiن جەردiڭ شەگi بەكiتۋ ۇسىنىلدى. بۇدان بولەك، قازاقستان ازاماتتارىنا جەردi جالعا بەرۋ كوزدەلگەن قولدانىستاعى زاڭ نورمالارىن جەتiلدiرۋ قاراستىرىلادى.

Abai.kz