بەلگىلى تەلەجۇرگىزۋشى، اكتريسا جانە پروديۋسەر بايان ەسەنتاەۆا بۇگىن اۋرۋحانادان شىعارىلدى، دەپ حابارلايدى «ازاتتىق» سايتى.

جەرگىلىكتى اگەنتتىكتەردىڭ اۋرۋحانا دارىگەرلەرىنە سىلتەمە جاساپ حابارلاۋىنشا، اۋرۋحانادا 10 كۇن جاتقان ەسەنتاەۆانىڭ ءحالى ورتاشا جانە پروديۋسەر "امبۋلاتورلىق ەمدەۋگە" جىبەرىلگەن.

ەسەنتاەۆا 10 ماۋسىمدا اۋرۋحاناعا باس-سۇيەگى مەن ميى زاقىمدانىپ، ميى شايقالعان، دەنەسىنە پىشاق جاراقاتتارى تۇسكەن دەگەن دياگنوزبەن تۇسكەن. پوليتسيا ەسەنتاەۆا اۋرۋحاناعا كۇيەۋىمەن جانجالدان سوڭ تۇسكەن دەيدى.

13 ماۋسىمدا تالعار اۋداندىق سوتى ەسەنتاەۆانىڭ كۇيەۋى باقىتبەك ەسەنتاەۆتى ءوز ايەلىنە "ولتىرۋگە وقتالدى" دەگەن كۇدىكپەن ەكى ايعا قاماعان.

42 جاستاعى بايان ەسەنتاەۆا اكتريسا، ءانشى ءارى تەلەجۇرگىزۋشىلىگىمەن بىرگە قازاقستاندىق جەكەلەگەن انشىلەر مەن مۋزىكالىق توپتاردىڭ پروديۋسەرى رەتىندە دە جۇرتقا تانىلعان.

Abai.kz