بۇگىن تاڭ اتا سالا ماجىلىستە جەردى ساتۋ مەن جالعا بەرۋدى توقتاتاتىن زاڭ جوباسى ماقۇلداندى دەپ بوركىمىزدى اسپانعا اتتىق. 

بىزدەگى رەسمي ورگاندار تاراتقان اقپاراتتاردىڭ تۇسىنىكتى بولماۋى سەبەبىنەن بۇل جايتتى بۇكىل جۇرت "جەردى ساتۋ مەن جالعا بەرۋ توقتاتىلاتىن بولدى" دەپ ءتۇسىندى.

بۇگىنگى قابىلدانعان زاڭعا قر جەر كودەكسىنىڭ كەيبىر نورمالارىنىڭ جۇمىسىن توقتاتۋ تۋرالى جانە قر 2015 جىلدىڭ 2 قاراشاسىنان "قر جەر كودەكسىنە وزگەرىستەر مەن تولىقتىرۋلار ەنگىزۋ تۋرالى" زاڭ جوباسىن جاساۋعا پرەزيدەنتتىڭ 2016 جىلدىڭ 6 مامىرىنداعى "جەر زاڭناماسىنىڭ كەيبىر نورمالارىن قولدانۋعا موراتوري ەنگىزۋ تۋرالى" جارلىق سەبەپ بولعان.

ياعني، موراتوري زاڭداستىرىلدى. زاڭداستىرىلعان ماروتوري تۋرالى جەر كوميسسياسىنىڭ مۇشەسى ايدوس سارىم بىلاي دەيدى:

ايدوس سارىم، ساياساتتانۋشى:

- ەلباسى جەر زاڭناماسىنداعى ءتورت باپقا موراتوري جاريالاعانى بەلگىلى. بۇل سول ءموراتوريدى زاڭداستىراتىن زاڭ جوباسى دەپ ءتۇسىنۋ كەرەك. ەستەرىڭىزدە بولسا، سول كەزدىڭ وزىندە پرەزيدەنت وسى ءموراتوريدى زاڭداستىرۋ تۋرالى ۇكىمەتكە تاپسىرما بەرگەن بولاتىن. سول تاپسىرما كەشىگىپ، ەندى عانا ورىندالىپ جاتىر.

پرەزيدەنت لاۋازىمى اتقارۋشى بيلىك بولىپ سانالادى. ونىڭ جارلىعى مىندەتتى تۇردە پارلامەنت بەكىتكەن زاڭمەن بەكىتىلۋى ءتيىس.

قازىر جەر كوميسسياسى جان-جاقتى جۇمىس جاساپ جاتىر. ءبىز قىسقا دەيىن ارنايى زاڭ جوباسىن دايىنداپ، پارلامەنتكە وتكىزەمىز. سول زاڭ قابىلدانسا، بۇگىنگى قابىلدانعان زاڭ وزدىگىنەن ىسىرىلىپ قالاتىن بولادى.

Abai.kz