الەۋمەتتىك جەلىلەردە قازاقستاندىق اسابا جىگىتتىڭ «جەر ساتۋ مەن ونى جالعا بەرۋ» ماسەلەسىنە قاتىستى ولەڭدەتىپ جەتكىزگەن ويى قىزۋ تالقىعا ءتۇستى.

توي ورتاسىندا اسابا قوناقتار الدىندا بىلاي دەپ كوسىلگەن ەكەن:

راس، مەن ەمەس، كوكشەتاۋدان ءبىراز ازاماتتار ايتىپتى، «سىزدەردىڭ ەرلىككە اناۋ استانانىڭ ار جاعىندا جاتقان بۇكىل سولتۇستىكتىڭ حالقى ريزا، تۇگەل سولتۇستىكتىڭ حالقى باسىن ءيىپ جاتىر اعايىن».  اللا رازى بولسىن قازاق ءۇشىن شىرىلداعاندارىڭىز ءۇشىن.

وتكەندە كارتادان قاراسا، قازاقستاننىڭ جەرىنە توعىز وڭتۇستىك كورەيا سيادى ەكەن،

التى سولتۇستىك كورەيا سيادى ەكەن،

ءۇش پورتۋشاليا، ءتورت گەرمانيا سيادى ەكەن.

وسىنداي توپىراقتى ساتۋعا قالاي عانا قيادى ەكەن؟!

وسى توپىراق ءۇشىن ءبىر اكەمىز جانىن بەردى،

ءبىر اكەمىز قانىن بەردى.

شەشەلەرىمىز جەسىر قاپ، كوز جاسىنىڭ ءبارىن بەردى.

ولار تاۋەلسىزدىكتى كورگەن جوق،

بىراق ولار سۇيەگى جاتقان قارا توپىراق، ساۋداعا سالىنسىن دەپ ولگەن جوق.

مىنە، وسى جاعدايدى بايقادىم،

اتىراۋداعى جاعدايدى ەستىدىم دە، باسىمدى شايقادىم.

مۇمكىن مەنى كورىپ قالسا، انا جاققا ايتارىم...

سولتۇستىكتى ساتپاسىن، توپىراعى كيەلى!

كەشەگى ەل دەپ ولگەن، ماعجاننىڭ جاتقان سۇيەگى.

كيەسى ۇرسا كوردە تۇر، ۇرپاعىمىزعا تيەدى.

وڭتۇستىكتى ساتپاسىن، تولە ءبيدىڭ مەكەنى!

ءبارىن ايت تا، ءبىرىن ايت، ابىلاي حان جاتقان جەر

وسى ءسوزىم دە جەتەدى...

Abai.kz