بەيسەنبى, 28 ناۋرىز 2024
الاڭ 5032 0 پىكىر 31 مامىر, 2016 ساعات 09:48

قۇبىجىق كورىپ وسكەن ۇرپاق قۇبىجىققا اينالماي ما؟

بۇگىنگى ۇرپاق – ەرتەڭگى بولاشاقتىڭ جارقىن كورىنىسى. ال بۇگىنگى ۇرپاق نەنى كورەدى؟ قانداي باتىرىمەن ماقتانادى؟ كىمگە ەلىكتەيدى، كىمگە قىزىعادى؟ وسى سۇراقتارعا جاۋاپ ىزدەسەك، جاۋاپتىڭ جەتەگىندە جەلىنىپ كەتەتىن سياقتىمىز. كوك جاشىكتىڭ كوبىنە بارماي-اق، ازىنان الداۋسىراپ كورەيىك.

«بالاپان» تەلەارناسى كىشكەنتاي بالاپاندارمەن بىرگە بارىنشا قازاقتىڭ ءتىلىن ساقتاۋعا، تاربيەنى بەرىپ باپتاۋعا اتسالىسىپ جاتىر. دەگەنمەن بۇل كۇندە كوپشىلىكتىڭ سۇرانىسىنا باستى ءرولدى قۇبىجىقتار سومدايتىن شەتەلدىك مۋلتفيلمدەر يە بولىپ وتىر. ءاربىر وتباسىداعى ەكىنشى بالا «Nickelodeon»، «Cartoon Network» ارناسىن كورەدى دەسەك، شاتاسپايتىن شىعارمىز. ال بۇل ارنالار قانداي مۋلتفيلم كورسەتىپ، قانداي ۇلگى بەرمەك؟ كوك جاشىكتەن كوزىن الماي، ارنانى اۋىستىرۋعا قولى بارماي كورەتىن بۇلدىرشىندەردىڭ «ۆولشەبنىە روديتەلي» مۋلتسەريالى اتا-اتانىنىڭ ارەكەتىن مازاققا اينالدىرىپ، مۇعالىمدى قۇرمەتتەمەك تۇگىلى ارتىنا شانىشقى تىعىپ، بالىق ىلگەندەي قارماقققا «قارىق» قىلىپ، ۇستازدى ءىلىپ قويادى. تاقتاعا قوسۋ امالىن جازىپ تۇرىپ، الگى مۇعالىمسىماق قۇبىجىققا اينالىپ كەتەدى. قولىنداعى بورىن اۋزىنا تولتىرىپ، تەمەكى تارتۋ ۇلگىسىن تانىستىرىپ وتەدى.  «تۋربوپەس» ءمۋلتفيلمىن كورىپ، جاعا ۇستايسىز. قوعامداعى جاعىمسىز قىلىقتاردىڭ كورىنىسىن، ورىندالۋ تاكتيكاسىن، قايتارىمدى ناتيجەسىمەن قوسىپ، دايىنداپ بەرەدى. بۇل مۋلتفيلمدە ارنايى قۇرىلعى ورناتىلىپ، الەمدەگى تىشقانداردىڭ بارلىعىن جيىپ، ۇرلىق-قارلىق پەن سۇمدىق جاساۋعا ۇيرەتۋ كورسەتىلەدى. ونسىز دا ۇرلىققا ۇرىنىپ بارا جاتقان قوعامعا بۇل ءبىر تاپتىرماس ءادىس بولاتىنى انىق. بۇل كورىنىستەر سانانى ساندىراقتارمەن ۋلاپ جاتقان تاسىلدەردىڭ تەك شەتى عانا. تورىنە جەتۋ ءۇشىن، ءتوزىمىمىز تاۋسىلار. سوندا دا سوراقىلارىن ساناپ وتەيىك.

ومىرگە كەلىپ، تالپىنىپ،  ونى تانۋ قانداي قيىن بولسا، ال ولە سالۋ –  بۇگىندە وپ-وڭاي. اتا-اناڭا اشۋلانساڭ، ىلمەككە ءىلىنىپ، ولە سالاسىڭ. سۇيگەنىڭمەن اجىراسىپ كەتسەڭ، قولىڭدى كەسىپ، كورە سالاسىڭ. تەستتەن وتپەي قالساڭ، ءدارى ءىشىپ، مۇگەدەكتىككە توزە سالاسىڭ. سول سياقتى «وبىچنىي شوۋ» مۋلتفيلمىندە ءولتىرۋ دەگەن نارسە ءاپ-ساتتە ورىن الادى. ادامدى كولىكپەنەن قاعىپ كەتۋ، ءبىر ادامدى ءولتىرىپ، ونى شەلەككە سالىپ كەتۋ سىندى ءىس-ارەكەتتەر كوپتەپ كەزدەسەدى. ساناعا سىيىمسىز ارەكەتتەردى سانامالاپ كورسەتىپ، ولگەندەردىڭ مۇردەسىن وڭاي جوعالتۋعا دا جول اشىپ قويعان. نە باسى جوق، نە اياعى جوق اتىس-شابىستىڭ كۋاگەرى بولىپ، قۋعىن-سۇرگىننىڭ ورتاسىندا ماساتتانا كۇلگەن قۇبىجىقتارعا ءتانتى بولاسىز.

مىنەكەي، وسىنداي ادام توزگىسىز دۇنيەلەردى بەسىكتەن بەلى شىقپاعان بالعىندارىمىز كورىپ وتىر، ساناسىنا يت تىرلىكتى ءتۇيىپ وتىر. بۇدان ۇرپاق كىم بولادى؟  

ءمولدىر مىرزاتاي

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2253
عيبىرات

قايسار رۋحتى عازيز جان

مۇحتار قۇل-مۇحاممەد 3515