ۆاشينگتون تالىپتەردى زورلىق-زومبىلىق جولىنان باس تارتپايدى دەپ سانايدى
تالىپتەر جاقىن ۋاقىتتا اۋعان ۇكىمەتىمەن كەلىسسوزدەرگە كەلە قويمايدى. بۇل تۋرالى جاپونيادا باستالعان "ۇلكەن جەتىلىك" ءسامميتىنىڭ بارىسىندا اقش پرەزيدەنتى باراك وباما مالىمدەدى.
وباما تالىپتەردىڭ جاڭا كوسەمى زورلىق-زومبىلىق ستراتەگياسىن ءارى قاراي جالعاستىرادى دەپ سانايدى. ونىڭ سوزىنشە، اقش اۋعانستانداعى نازىك دەموكراتيالىق ۇردىستەردى قولدايتىن بولادى جانە "يسلام مەملەكەتى" ەكسترەميستىك ۇيىمىنىڭ ەلگە تامىر جايىپ كەتۋىنە جول بەرمەيدى.
اقش پرەزيدەنتى تالىپتەر ەلدى جاۋالاپ الا المايتىندارىن مويىندايتىن جانە اۋعان بيلىگىمەن كەلىسسوزگە كەلۋدىڭ قاجەتتىگىن مويىندايتىن كۇن تۋاتىنىنا سەنەدى. الايدا بۇل جاعدايدىڭ جاقىن ۋاقىتتا بولاتىنىنا وبامانىڭ كوزى جەتپەيدى.
جاقىندا تالىپتەردىڭ جاڭا كوسەمى رەتىندە راديكالدى كليريك مولدا حايباتۋللا احۋندزادا سايلاندى. ول وتكەن اپتادا امەريكالىق ۇشقىشسىز باسقارىلاتىن ۇشاقتىڭ شابۋىلىنان قازا تاپقان مولدا احتار مانسۇردىڭ ورنىن باستى.
اباي-اقپارات
