جاقىندا اقوردا ءباسپاسوز قىزمەتىنىڭ «فەيسبۋك» جەلىسىندەگى رەسمي پاراقشاسىندا مەملەكەت باسشىسى نۇرسۇلتان ءابىشۇلىنىڭ باق بەتىندە كەزدەسەبەرمەيتىن سۋرەتتەرىن جاريالاندى.

«ەلىمىزدەگى مەكتەپتەردە سوڭعى قوڭىراۋ ءۇنى سىڭعىرلاپ، جاسوسپىرىمدەر التىن ۇياسىمەن قوشتاسۋدا. وسىعان وراي، الپىس جىلعا جۋىق ۋاقىت بۇرىنعى كەزەڭگە ويشا شەگىنىس جاساپ، نۇرسۇلتان ءابىشۇلى نازارباەۆتىڭ وقۋشى كەزىنەن ەستەلىك – 1958 جىلعى فوتوسۋرەتتى ۇسىنىپ وتىرمىز. بۇل – اباي اتىنداعى مەكتەپ-ينتەرناتتىڭ 21-ءشى تۇلەكتەرىنىڭ سۋرەتى. وقۋ ءىسىنىڭ مەڭگەرۋشىسى سەيىتحان يساەۆتىڭ وڭ جاعىنداعى بوزبالا – نۇرسۇلتان ءابىشۇلى»،-دەپ جازادى اقوردانىڭ ءباسپاسوز قىزمەتى.

وقۋشى نۇرسۇلتان تۋرالى ونىڭ ۇستازى مەن سىنىپتاستارى دا پىكىر بىلدىرگەن ەكەن.

سەيىتحان يساەۆ، ن.ءا.نازارباەۆتىڭ ۇستازى:
– ول كەزدە بۇكىل وقۋ پروتسەسى، سىنىپتان تىس جۇمىستاردىڭ ءبارى وقۋ ءىسىنىڭ مەڭگەرۋشىسىنە جۇكتەلەتىن. وزىمە قيىن بولعاندىقتان، ماعان پيونەر ۇيىمى مەن كومسومول ۇيىمىنىڭ مۇشەلەرى كومەكتەسەتىن. ال ول ۇيىمداردى ءوزىن تىڭداتا الاتىن، ايتقانىن ورىنداتا الاتىن شاكىرت باسقاراتىن. سونداي شاكىرت نۇرسۇلتان ءابىشۇلى بولدى.

كەڭەس بايبوسىنوۆ، ن.ءا.نازارباەۆتىڭ سىنىپتاسى:
– ەمتيحان كەزىندە نۇرسۇلتاننان كوشىردىك. جاسىراتىن نەسى بار؟ بىزدە ول كەزدە بارلىق ساباقتاردان ەمتيحان بولاتىن. سول كەزدە كومەكتەسەتىن. ءوزىم شىعارا الماعان ەسەپتى، نۇرەكەڭ شىعارسا، نەگە كوشىرمەيمىن؟ كوشىرەمىن!

سايلاۋبەك قىدىراليەۆ، سىنىپتاسى:
– دەمالىس كۇندەرى بي كەشتەرىنەن قالمايتىنبىز. نۇرسۇلتان تاماشا بيلەيتىن. ول كەزدە كىم جاقسى وقيدى، قىزدار سوعان قاراي جۇگىرەتىن ەدى عوي. ال نۇرەكەڭ مەكتەپتى «التىن مەدالمەن» بىتىرەمىن دەپ، ساباقتان باس الماي وتىراتىن. وقۋعا زەرەك، بايان، دومبىرا تارتاتىن نۇرسۇلتان نازارباەۆقا قىزداردىڭ كوبى عاشىق بولدى. 

رايا عاريفقىزى، سىنىپتاسى: 
– سول مەكتەپتە وقىپ جۇرگەن كەزدەردە-اق نۇرسۇلتاننىڭ كوشباسشىلىق قاسيەتتەرى ەرەكشەلەنىپ تۇراتىن.

Abai.kz