وتباسى كۇنىنە وراي قىركۇيەك ايىنىڭ 7-ءسى مەن 8-ءى ارالىعىندا بۇكىل قازاقستان اۋماعىندا «ۇيدەگى تىنىشتىق» ۇرانىمەن اكتسيا ءوتتى. ءىس-شارانىڭ باستى ماقساتى ءداستۇرلى وتباسىلىق قۇندىلىقتار مەن قوعامنىڭ ادامگەرشىلىك نەگىزدەرىن جانداندىرۋ، ازاماتتاردىڭ قۇقىقتىق ساۋاتتىلىعىن ارتتىرۋ مەن ولارعا زاڭگەرلىك كەڭەستەر بەرۋ، حالىقتىڭ  پوليتسياعا دەگەن سەنىمىن نىعايتۋ، سونداي-اق جۇرتشىلىقتى ايماقتارداعى داعدارىس ورتالىقتارى مەن سەنىم تەلەفوندارىنان حاباردار ەتۋ.

ء«ىس-شارا دارىستىك جوبا تۇرىندە ءوتتى. شارا بارىسىندا الاتاۋ اۋدانىندا پوليتسەيلەر ۇكىمەتتىك ەمەس ۇيىمداردىڭ ەرىكتىلەرىمەن بىرلەسە وتىرىپ دارىستەر، اكتسيالار وتكىزىپ، وتباسىنداعى تىنىشتىقتىڭ قانشالىقتى ماڭىزدى ەكەنىن ايتتى. جەدەل-الدىن الۋ ءىس-شاراسىنىڭ العاشقى كۇنى الاتاۋ اۋداندىق ءىىب جەرگىلىكتى پوليتسيا قىزمەتىنىڭ قىزمەتكەرلەرىمەن بارلىق وقۋ ورىندارىنىڭ جوعارى سىنىپ وقۋشىلارى اراسىندا «وتباسىنداعى زورلىق-زومبىلىققا جول جوق» جانە «ماحاببات پەن ادالدىققا ورىن بار» تاقىرىپتارىندا دارىستەر وتكىزىلدى»،- دەپ مالىمدەدى الماتى قالاسىنىڭ ءىىد جەرگىلىكتى پوليتسيا قىزمەتىنىڭ ايەلدەردى زورلىق-زومبىلىقتان قورعاۋ جونىندەگى بولىمشەنىڭ اعا ينسپەكتورى، پوليتسيا پودپولكوۆنيگى مايا توقسانوۆا.

جەرگىلىكتى پوليتسيا قىزمەتكەرلەرىنىڭ ءيميدجىن ارتتىرۋ ماقساتىندا، «وتباسى – قازاقستان رەسپۋبليكاسىنىڭ نەگىزى» جوباسى شەڭبەرىندە جەرگىلىكتى اتقارۋ ورگاندارىمەن بىرلەسە وتىرىپ، پوليتسيا قىزمەتكەرلەرىنىڭ ۇلگىلى وتباسىلارىن ماراپاتتاۋ بويىنشا سالتاناتتى ءىس-شارالار ۇيىمداستىرىلدى.

«سونىڭ ىشىندە ەرلى-زايىپتىلاردىڭ ەكەۋى دە پوليتسيا قىزمەتكەرى بولىپ تابىلاتىن امىرەنوۆتەر وتباسى بار. وتاعاسى امىرەنوۆ مەدەت الاتاۋ اۋداندىق ءىىب اسكەري جانە قىزمەتتىك دايىندىق بويىنشا اعا ينسپەكتور بولىپ جۇمىس ىستەيدى، ال ونىڭ جۇبايى قاناباتىروۆا اسەل – وسى بولىمشەنىڭ مەكتەپ ينسپەكتورى. ول تەك ءوز بالالارىنىڭ تاربيەسىمەن عانا ەمەس، پروفيلاكتيكالىق ەسەپتە تۇراتىن بالالاردىڭ دا تاربيەسىمەن اينالىسادى. بۇل وتباسى قۇقىققورعاۋ ورگاندارىنىڭ جاس قىزمەتكەرلەرى ءۇشىن ۇلگى بولىپ تابىلادى. ەرلى-زايىپتى امىرەنوۆتەر وزدەرىنىڭ وتباسىلىق قارىم-قاتىناستارىن جوعارى باعالايدى. ولار ءۇشىن جانۇيالارى – سىيلاستىق پەن جاراستىق ورناعان كىشكەنتاي وتانى. ءسوز سوڭىندا ايتارىم، ءاربىر وتباسىنىڭ كەرەگەسى كەڭ، شاڭىراعى بەرىك، ەلىمىز امان، جۇرتىمىز تىنىش بولسىن!»،- دەپ ءوز ءسوزىن تۇجىرىمدادى پودپولكوۆنيك توقسانوۆا.

گۇلنار جامانقۇلوۆا،

الماتى قالاسىنىڭ ءىىد ءباسپاسوز-قىزمەتى

Abai.kz