جۇما, 17 قىركۇيەك 2021
جاڭالىقتار 2452 0 پىكىر 29 تامىز, 2016 ساعات 12:18

وقو-عا وڭتۇستىك كورەيا مەملەكەتىنەن ينۆەستيتسيا تارتىلماق

وڭتۇستىك قازاقستان وبلىسىنا كورەيا مەملەكەتىنەن ينۆەستيتسيا تارتىلماق. وڭتۇستىك قازاقستان وبلىسى ءوڭىر باسشىسىنىڭ ءبىرىنشى ورىنباسارى دارحان ساتىبالدى كورەيا مەملەكەتى «KISCO» كومپانياسىنىڭ پرەزيدەنتى چوي دجۋن حۆان مىرزامەن كەزدەستى.

بۇل تۋرالى «اباي اقپارات» وڭتۇستىك قازاقستان وبلىسى اكىمىنىڭ ءباسپاسوز قىزمەتىنە سىلتەمە جاساي وتىرىپ حابارلايدى.

بۇل باس قوسۋدا وبلىس اكىمىنىڭ ورىنباسارى دارحان ساتىبالدى مىرزا ء وڭىردىڭ اۋىل شارۋاشىلىعى سالاسىنداعى نەگىزگى جەتىستىكتەرى مەن وبلىستاعى اۋىل شارۋاشىلىعى جانە ونەركاسىپ سالاسىنداعى دامۋ كورسەتكىشتەرىنە توقتالىپ، شەتەلدىك ينۆەستورلاردى وبلىستاعى بىرقاتار ينۆەستيتسيالىق جوبالاردى بىرلەسە جۇزەگە اسىرۋعا شاقىردى.

ءوز كەزىندە كورەيادان كەلگەن چوي دجۋن حۆان، اۋقىمدى جوبالاردى بىرلەسىپ جۇزەگە اسىرۋدا سەنىم ءبىلدىرىپ وتىرعانى ءۇشىن بيلىك وكىلدەرىنە العىسىن جەتكىزدى جانە بۇگىنگى قابىلدانعان كەلىسىمدەر الداعى ۋاقىتتا ءوز جەمىسىن بەرەتىنىنە ۇلكەن سەنىم ءبىلدىردى.

كەزدەسۋ سوڭىندا وبلىس اكىمىنىڭ ورىنباسارى دارحان ساتىبالدى مىرزا  مارتەبەلى مەيماندى 6-7 قازان كۇندەرى شىمكەنت قالاسىندا وتەتىن حالىقارالىق «Ontustik Tourism 2016» تۋريستىك فورۋمىنا قاتىسۋعا شاقىردى. باسپاسوزدەگى حابارلامالارعا قاراعاندا، سوڭعى جىلدارى وڭتۇستىك قازاقستان وبلىسى مەن وڭتۇستىك كورەيا ەلى اراسىنداعى وسىنداي ارىپتەستىك بايلانىس قارقىن الىپ كەلە جاتقانعا ۇقسايدى.

دەرەككوزى: وقو اكىمىنىڭ ءباسپاسوز قىزمەتى

Abai.kz  

0 پىكىر