ازەربايجاندا تۇركيادا وتكەن ايدا بولعان مەملەكەتتىك توڭكەرىس جاساۋ ارەكەتىنە قاتىستى كۇدىكپەن وپپوزيتسياشىل ساياساتكەر فايگ اميروۆ قامالدى. باكۋ سوتى 22 تامىزدا وپپوزيتسياشىل ازەربايجان حالىقتىق مايدانى پارتياسىنىڭ مۇشەسى فايگ اميروۆتى ء"دىني الاۋىزدىقتى قوزدىردى" دەگەن ايىپپەن ءۇش ايعا قامادى. قۇقىق ورگاندارى اميروۆتان اقش-تا تۇراتىن ءدىن قايراتكەرى، انكارا تۇركيادا ساتسىزدىككە ۇشىراعان مەملەكەتتىك توڭكەرىستى ۇيىمداستىردى دەپ ايىپتايتىن فەتحۋللا گۇلەننىڭ كىتاپتارى تابىلدى دەيدى.

فەتحۋللا گۇلەن مەملەكەتتىك توڭكەرىس ارەكەتىنە قاتىسى بارىن جوققا شىعارادى.

اميروۆتىڭ ادۆوكاتى وعان قارسى ايىپتى "ساندىراق" دەپ اتايدى. ادۆوكاتتىڭ سوزىنشە، گۇلەننىڭ كىتاپتارىندا ەشقانداي ۇگىت-ناسيحات جوق جانە ول ادەبيەتتەرگە ازەربايجاندا تىيىم سالىنباعان.

باكۋ انكارامەن تىعىز بايلانىس ورناتقان. تۇركيادا بۇلىك باسىلعان سوڭ ازەربايجان بيلىگى تۇركيا پرەزيدەنتى رەجەپ تايىپ ەردوعان جاعىنا شىعىپ كەتتى.

دەرەككوزى: azattyq.org

Abai.kz