كۇنى كەشە ۇلى كومپوزيتور ءشəمشى قالداياقوۆتىڭ تۋعان كۇنىنە وراي وتكەن "مەنىڭ قازاقستانىم" əن بايقاۋى بولدى. ءشامشى ارۋاعىن اسقاقتاتقان ونەر فەستيۆالى بۇل جولى وتىراردا ءوتتى. انشىلەردىڭ ونەرىن تاماشالاعان وبلىس اكىمى ب. اتامقۇلوۆ ءان بايقاۋىن كەلەر جىلى سوزاق اۋدانىندا وتكىزۋدى ۇسىندى. سونداي-اق،  استانا قالاسى مەن وتىرار اۋدانىندا ءشامشى قالداياقوۆقا ەسكەرتكىش ورناتۋ جوسپارلانىپ وتىرعانىن جەتكىزدى. بۇل تۋرالى سوزاق اۋدانى اكىمىنىڭ ءباسپاسوز قىزمەتى جازادى.

"قازاق ءۆالسىنىڭ كورولى" اتانعان ءشامشى قالداياقوۆ اۋليەلى سوزاق ءوڭىرىنىڭ دە بوتەن ەمەس. اناسى ساقىپجامال، ءشادى تورەنىڭ تۋعان قارىنداسى. ءشادى تورە التى الاشتى بيلەگەن ابىلاي حاننىڭ تىكەلەي ۇرپاعى. دەمەك، ءشامشى قالداياقوۆ سوزاققا ونىڭ ىشىندە، تورە رۋىنا جيەن. ءشادى تورە «سيار شاريف»، «حازىرەتى مۇسا مەن پەرعاۋىن»، ء«تورت ءدارۋىش» سىندى تالاي ءدىني ولەڭ-داستاندارى، قيسسالاردىڭ اۆتورى.

قازاق دالاسىن انىمەن تەربەگەن ءشامشى قالداياقوۆ سوزاق وڭىرىندە بولعان ساپارىندا سابىرحان اسانوۆتىڭ سوزىنە جازىلعان «تەرىسكەي» ءانىن شىعاردى. قۇلاق قۇرىشىندى قاندىرىپ، تۋعان جەرگە دەگەن سۇيىسپەنشىلىگىڭدى ارتتىراتىن «تەرىسكەي» ءانى بۇگىندە ءار قازاقتىڭ جۇرەگىنەن ورىن الدى.

Abai.kz