الماتى قالاسىنىڭ اكىمى باۋىرجان بايبەك مىرزاعا قازاقتىڭ قاراپايىم ازاماتى، جازۋشى، اتبەگى، «ۇلى دالا قىراندارى» حالىقتىق قوزعالىسى جەتەكشىلەرىنىڭ ءبىرى سادىبەك تۇگەلدىڭ اسەم قالا، ارۋ قالا الماتى شاھارىندا  لاس تۋريزم مەن جەڭىل جۇرىستەرگە جول بەرمەۋ تۋرالى

اماناتى

قۇرمەتتى، باۋىرجان قىدىرعاليۇلى! 

قازاقتا ءتۇسى جىلىدان تۇڭىلمە دەگەن ۇلاعاتتى ۇعىمى بار. وزىڭمەن 2007 جىلى استانا قالاسىنداعى «قازانات» يپپودرومىنىڭ سالتاناتتى اشىلۋىنا ءۇش كۇن قالعاندا كەزدەستىم. ءسىز، ول كەزدە قر پرەزيدەنتى پروتوكول ءبولىمىنىڭ مەڭگەرۋشىسى بولاتىنسىز. «بارلىق كورسەتىلىمدەردى كورسەتۋگە، بۇل جەردە 18 مينۋت قانا ۋاقىت بەرىلەدى»-دەگەن ءسىزدىڭ سوزىڭىزگە مەن، «ولاي بولمايدى، تەك، ءۇش بايگەگە - 45 مينۋت، كوكپارعا - 50 مينۋت، اتبەگىلەر شەرۋىنە -  15 مينۋت، ات قۇلاعىندا ويناۋ ونەرىنە -25 مينۋت، كەرەمەت سايگۇلىكتەر بايقاۋىنا - 20 مينۋت، قالعاندارىنا - 30 مينۋت قاجەت»، - دەپ جارىستىڭ حرونومەتراجىنا وراي كەلىسپەيتىنىمدى اشىق ءبىلدىردىم. جانىمداعىلار نە ايتارلارىن بىلمەي ءۇنسىز ءتۇر. ءسىز «مەن ايتارىمدى ايتتىم، ەندى بولدى دەگەندەي يشارامەن» ەسىگى اشىق تۇرعان كولىككە وتىرىپ ءجۇرىپ كەتتىڭىز. ءبىز، «نە بولىپ كەتتى ءوزى، ەسىل ەڭبەگىمىز ەش بولدى ما، ءبىر جىل دايىندالعان، ەلىمىزدەگى ەڭ ۇلكەن يپپودرومنىڭ تۇساۋكەسەر تويىنا بار جوعى ون سەگىز مينۋت بەرىلگەنى نەسى؟» دەپ اڭ-تاڭ بوپ تۇرعانبىز. سول ساتتە، ءسىز وتىرعان ءماشىن 20-30 مەتردەي جەر ءجۇرىپ بارىپ، كىلت توقتادى. ءسىز كولىكتەن  شىعىپ ءبىزدىڭ قاسىمىزعا كەلدىڭىز. « جىگىتتەر، سىزدەر مەرەكەنى قالاي كورسەتە الاسىزدار، سوعان بايلانىستى بولادى عوي. ساتتىلىك تىلەيمىن»، - دەدىڭىز اقجارقىن جۇزىڭىزبەن ءبىزدىڭ قولىمىزدى الىپ. وسى ءبىر عانا ءىس-قيمىلىڭىزعا، ءبىر عانا جىلى سوزىڭىزگە بىزدەر، ۇيىمداستىرۋشىلار القاسى شىنىن ايتۋ كەرەك جادىراپ قالدىق. سول جولى ات سپورتىنىڭ مەرەكەسى وتە جوعارى دەڭگەيدە ءوتىپ، بۇكىل جانكۇيەرلەردىڭ كوڭىلىنەن شىقتى. ەل ريزا بولدى. ەلباسى جارىستىڭ سوڭىنا دەيىن بولدى. بۇل جەردەگى ايتارىم، ءسىزدىڭ قازىرگى قازاق شەنەۋنىكتەرىنە ءتان وركوكىرەكتىككە، مەنمەندىككە سالىنباي ىنىلىك ىزەتتىلىك پەن كورگەندىك كورسەتكەنىڭىز جۇرەگىمىزگە ۇيالاپ قالدى. جولىڭ اشىق بولسىن، باۋىرىم! ءوسىپ، وركەندەي بەر!

ەندى نەگىزگى ماسەلەگە كوشەيىن. حالىق ءوزى سىيلايتىن باسشىعا امانات ايتادى. مەنىڭ اماناتىم - ءسىز باسقارىپ وتىرعان، ءبارىمىز ءوسىپ-ونگەن، ارۋ قالا، سۇلۋ قالا، تاريحي شاھار، مادەني شاھار الماتىنى ارسىزدىقتان تازارتۋ بولىپ تابىلادى.

ول قايدان شىقتى دەيسىز عوي. «ۆرەميا» گازەتىندە بەلگىلى قازاقستاندىق جۋرناليست قارىنداسىمىز مادينا ايىمبەتوۆا: «زاچەم ۆى، مالچيكي؟ كتو-تو پىتاەتسيا  پريكلەيت ك كازاحستانۋ يارلىك ۆتوروگو تايلاندا. ستاتيا ۆ ينديسكوم ينتەرنەت-يزداني، نازۆاۆشايا ناشۋ سترانۋ نوۆىم تسەنتروم ميروۆوگو سەكس-تۋريزما، ستالا پوۆودوم دليا رازبيراتەلستۆا نا ديپلوماتيچەسكوم ۋروۆنە. بانگكوك – ەتو پروشلوە. سەيچاس – الماتى». ينديسكيە مۋجچينى تەپەر تولپامي ستەكايۋتسيا ۆ كازاحستان» دەپ جازادى.  

اتاپ ايتارىم، بۇل پروبلەمانى تالقىلاۋدا ءبىز تاقىر-تاياڭ ەمەسپىز. وسى سۇراققا ات ءۇستى كەلە سالعانىمىز جوق. جىلدار بويى  جيناعان، تەرگەن تاجىريبەمىز بار.1995 جىلى ء«بىز قايدا بارامىز؟» اتتى قازاق تەلەۆيدەنياسىندا باعدارلاما ۇيىمداستىردىق. ول كەزدە قازاق تەلەۆيزياسىنىڭ ديرەكتورى  ادىلبەك تاۋاساروۆ ال، تەلەۆيدەنيە مەن راديو كورپوراتسياسىنىڭ توراعاسى اشىربەك كوپەەۆ بولاتىن. وسى باعدارلامانىڭ نەگىزىندە 1995 جىلدىڭ سوڭعى ايلارىندا «قازاقتىڭ قىزىنا قىرىق ۇيدەن تىيىم» اتتى تەلەحابار ەكرانعا شىقتى. بۇل باعدارلاما سول كەزدە قوعامدا ۇلكەن رەزونانس تۋدىردى. جەر جەردە تالقىلاۋلار بولدى. وسى ماسەلەگە وراي مەنىڭ ماقالام «جاس الاش» گازەتىندە جانە «كاز. پراۆدا» ت.ب. بۇقارالىق اقپارات قۇرالدارىندا جاريالاندى.  

21 جىل بۇرىن «قازاقتىڭ قىزىنا قىرىق ۇيدەن تىيىم» اتتى تەلەحاباردى جارىققا شىعارۋداعى ءبىزدىڭ ويىمىز، وسى جيىركەنىشتى قۇبىلىستىڭ جايىلىپ، تامىرىن تەرەڭگە سالىپ بارا جاتقانىن قوعامعا ەسكەرتىپ، جەتكىزىپ، اۋىر دا بولسا  اشىق شىندىقتى شىرىلداپ ايتىپ، بەلەڭ الىپ بارا جاتقان ۇلتىمىزعا جات جامان ءۇردىستىڭ الدىن الۋ ەدى.  

سول ۇلكەن رەزونانس تۋدىرعان حاباردىڭ ماتەريالدارىن قازىر اقتارىپ، قاراپ وتىرسام 1995 جىلى رەسمي تۇردە الماتى قالاسىندا تىركەلگەن 180 جوزەكشە ايەل بولعان ەكەن. سونىڭ 60-سى  قازاقتىڭ قىزدارى بولىپتى. بۇل حابار كورەرمەندەر الدىندا كەڭ تاراعانىمەن، ءتيىستى مەملەكەتتىك مينيسترلىكتەر، مەملەكەتتىك اكىمدىكتەر، مەملەكەتتىك ۇيىمدار مەن بيزنەس قۇرىلىمدارىنىڭ تاراپىنان قولداۋ تاپپادى. قازاق قوعامى دا سەلقوستىق تانىتتى. سودان بەرى تۋرا 21 جىل ۋاقىت ءوتتى. تەك، ءبىر الماتى قالاسىندا تىركەلگەن 180 جەزوكشەنىڭ  سانى  بۇل كۇنى 10 000-عا جەتىپ وتىر. سوندا، جامان جۇرىستىرىلەردىڭ قاتارى 55 ەسەگە ارتقانى ما؟.. سونىمەن قاتار، دەپۋتاتتاردىڭ ايتۋىنشا، الماتى قالاسىندا 20 گەي كلۋب، 40-تان استام نەشە ءتۇرلى جىن-ويناق مەكەمەلەر كۇندىز-ءتۇنى جۇمىس ىستەيدى. جاستاردى جامان، كىر، لاس جولدارعا سالاتىن كەشەندەر بوي كوتەرىپ، ار-ۇياتتى جوعالتتى. سونىڭ ناعىز دالەلدەرىنىڭ ءبىرى دە بىرەگەيى الماتى قالاسىنىڭ «ەڭ ساۋناسى» كوپ قالاعا اينالۋى  دەر ەدىم. ال، ول كەشەندەر شىندىعىن ايتقاندا، ار-نامىستى ۇمىتىپ، دۇنيە جيناۋعا قۇنىققان «بيزنەسمەندەر» مەن «كاسىپكەرلەردىڭ»، كەيبىر «قۇقىق قورعاۋشىلاردىڭ» كۇرەپ تۇرىپ لاس اقشا تاباتىن، بوردەل-سەكسحانالارىنا، جىن-ويناق ساۋنالارىنا اينالىپ كەتتى. بۇل نە دەگەن سۇمدىق؟ بۇل نە دەگەن بيزنەس؟

ءبىز وسىدان ەكى-ءۇش جىل بۇرىن وسى الماتى قالاسىنىڭ المالى اۋدانىندا قانشا ساۋنا بارىن ەسەپتەدىك. ءبىر المالى اۋدانىندا 100-دەن اسا ساۋنا بار ەكەن. سوندا الماتىنىڭ بارلىق جەتى اۋدانىندا جەتى ءجۇز كۇندىز -ءتۇنى جۇمىس ىستەيتىن  «ساۋنا- 24» تەر بار. اشىعىن ايتقاندا، بۇل «ساۋنا-24»-تەر-ناعىز «بوردەلدەر»، لاس  ورىندار. ولاردى قاراپايىم حالىق: «سەكسحانالار»، «بوردەلدەر»، «جىن-ويناقتار»-دەپ ءدوپ اتايدى، ايتادى. ونىڭ ۇستىنە، ارسىزدىققا بويلاعان «قوناقۇيلەر»، «تۇنگى كلۋبتار»، «حاۋىزدار» مەن «حامامدار»، «گەي-كلۋبتار»، «تۇنگى بارلار» مەن «مونشالار»، «لاس ءتۋريزمنىڭ قانات جايۋى» جانە تاعى باسقالارى بار. لاس ءتۋريزمنىڭ ارقاسىندا بىزگە وتە جامان لاس اتاۋ تاڭىلىپ وتىر. بۇنى ەستىگەننەن، كورگەننەن ولگەن ارتىق دەپ سانايمىن. ءبىز باي ەلمىز دەپ جار سالامىز. بۇكىل الەم مازاقتاپ «سەكس ءتۋريزمنىڭ وتانى – قازاقستان، ال سەكس ءتۋريزمنىڭ استاناسى – الماتى قالاسى» دەسە نامىسى بار قازاق ولمەگەندە نە ىستەۋى كەرەك؟!. ءادىلىن ءوزىڭىز ايتىڭىز، ءبىز نەگە وسىنداي كۇيگە جەتتىك؟؟؟ ءدال وسى جاعدايدا بايلىق نەگە كەرەك، بارلىق نەگە كەرەك؟ اشىعىن ايتايىق وسى جاعداي مەنى جانە ۇلتتىڭ بولاشاعىنا نەمقۇرايدى قارامايتىن ازاماتتاردى قاتتى الاڭداتىپ وتىر. لوگيكاعا سالساق، سەكس-تۋريزم ەكونوميكاسى ناشار، نامىسى تاپتالعان، ار-ۇياتى از ەلدە عانا ورىن الادى ەمەس پە؟ بىزدە ۇلتقا، جاستارعا جوعارى ادامگەرشىلىك رۋحتا ءتالىم-تاربيە بەرەتىن يدەولوگيا جوق. ارسىزدىقتىڭ بەلەڭ الۋى - يدەولوگيانىڭ السىرەۋىندە دەر ەدىم. بىزدە ەكونوميكا بار دا، يدەولوگيا جوق. يدەولوگيا جوق جەردە، «ار-نامىس»، «ار-ۇيات»، «ار-وجدان» جوق بولادى، جاستار رۋحاني ازعىندىققا ۇشىرايدى. قازاقتىڭ ەكى مىڭ جىلدىق تاريحىندا قازاق ايەلدەرىنىڭ اراسىندا بۇرىن سوڭدى كوشەدە، دالادا ءتانىن ساتاتىن جەزوكشەلىك بولعان ەمەس. ول بىزگە 20-عاسىردىڭ توقسانىنشى جىلدارى كاپيتاليزممەن بىرگە كەلدى. ءبىر سوزبەن  تۇيىندەگەندە، الماتى قالاسى سەكس يندۋسترياسى شىرقاپ دامىعان شايتاني شاھارعا اينالىپ بارادى. بۇل دەگەنىڭىز – قوعامنىڭ السىزدەنۋىن، ارسىزدىقتىڭ باتپاعىنا باتۋىن، جاماندىق جات قۇبىلىستاردىڭ شىرقاپ ءوسۋىن، ار-ۇياتتان جۇرداي بولۋىمىزدى دالەلدەيتىن فاكت. وسى ءۇردىس جاقسى ما جامان با؟ ارينە، وتە جامان. وسى ساۋنالاردىڭ  كوبى جەڭىل جۇرىستىلەردىڭ مەكەنىنە اينالعان. وسىنىڭ ءبارىن ويلاپ، زەردەدەن وتكىزسەك، توبە شاشىمىز تىك تۇرادى. جۇرەگىمىز اۋىرىپ، نامىسىمىز قاينايدى.

ءبىز قايدا بارامىز؟ نەگە وسىنداي كۇيگە جەتتىك؟

اردى بارىنەن جوعارى ۇستاعان اتا-بابالارىمىز: «مالىم – جانىمنىڭ ساداعاسى، جانىم – ارىمنىڭ ساداعاسى»، «مالسىز بولساڭ دا ارسىز بولما»، ء«ارلى بولعانشا – ارلى بول»، «ارىڭدى جەمە، بارىڭدى جە»، «ار جازاسى بار جازادان اۋىر»،  «ەر جىگىت ەلىنىڭ ۇلى، نامىسىنىڭ قۇلى» دەپ ءومىر سۇرگەن،  ولمەس وسيەت قالدىرعان. 

ءبىزدىڭ مەملەكەتتىك ءان ۇرانىمىزدا «نامىسىن بەرمەگەن قازاعىم مىقتى عوي!» دەگەن قاناتتى سوزدەر تايعا تاڭبا باسقانداي جازىلعان. ونىڭ ۇستىنەدە مۇسىلماندىعىمىز دا بار.

 قۇرمەتتى باۋىرجان قىدىرعاليۇلى!

سىزگە جولدانىپ وتىرعان امانات كۇندەلىكتى ومىردەگى جاستار اراسىندا قالىپتاسقان جانتۇرشىگەرلىك  ارسىزدىقتاردىڭ كوبەيۋىنە توسقاۋىل قويۋ، ۇلت نامىسىن قورلايتىن كەلەڭسىز جايىتتەردى بولدىرماۋ، ەلباسىمىز نۇرسۇلتان ءابىشۇلى نازارباەۆتىڭ تۋعان وتانىمىز - قازاقستان رەسپۋبليكاسىن الەمدەگى دامىعان 30 مەملەكەتتىڭ قاتارىنا قوسۋىمىز قاجەت دەگەن ستراتەگياسىنا ازاماتتىق ءۇن قوسۋ ماقساتىندا دۇنيەگە كەلدى.

ال شىنىندا، ءبىزدىڭ قالالارداعى تۋريزم – لاس تۋريزمگە،  ۇلتتىڭ قاسىرەتىنە، قايعىسىنا اينالىپ، ءبىزدىڭ ەلدى الەمگە ماسقارالاۋدا. اتالارىمىز: «مەشكەي دەگەن جامان ات»  دەسە، مىناۋ يارلىك ءتىپتى ونان  ميلليون ەسە سۇمدىق كلەيمو بولىپ تۇر. وسىنى تۇسىنەتىن  ءسات كەلدى.

ورىستاردا مىناداي  قاناتتى ءسوز بار:-«يميدج ۆسە، وستالنوە نيچتو!».

بولاشاق ۇرپاقتارىمىزدىڭ، نەمەرە، شوبەرەلەرىمىزدىڭ جاعدايىن ويلاساق، وسىنداي نامىسقا كىر كەلتىرەتىن، ۇلتتىڭ ارىنا داق تۇسىرەتىن سوراقىلىقتاردى بولدىرمايىق، كۇرەسەيىك، الدىن الايىق! ءتوزىپ وتىرا بەرۋگە بولمايدى. ۇرپاق كەشىرمەيدى، اتا-بابا رۋحى كەشىرمەيدى.

وسى ورىن العان كەلەڭسىز جاعدايلاردى مۇقيات تالقىلاپ، زەرتتەپ، تالداپ سىزگە امانات رەتىندە 7-ۇسىنىس بەرگەلى وتىرمىن:

بىرىنشىدەن، الماتى قالاسىنىڭ جارقىن بولاشىعى مەن رۋحاني تازالىعى ءۇشىن «سەكسحانا» اتانىپ، قاپتاپ كەتكەن 700-دەن اسا ساۋنا-حاۋىزداردى، تۇنگى كلۋبتاردى،  گەي، گەيشا كلۋبتاردى، باسقادا «جىنويناقتاردى»،  «بوردەلدەردى» كۇشپەن وسى 2016 جىلدىڭ اياعىنا دەيىن جابۋ.

ولاردىڭ ورىنىنا جيىرما ءتورت ساعات جۇمىس ىستەيتىن «كىتاپحانا-24»-تەر، پاتريوت جاستار دايىندايتىن كلۋبتار،  رۋحانيات  ورتالىقتارىن، ار-نامىس، ار-وجدان ۇيىمدارىن كوپتەپ اشۋدى ۇسىنامىن.

ەكىنشىدەن، «ار-وجدان ماسەلەلەرى» اتتى 2016-2030 جىلدارعا ارنالعان الماتى قالالىق باعدارلاماسىن قابىلداۋ قاجەت دەپ سانايمىن.

ۇشىنشىدەن، وسى «ار-وجدان» باعدارلاماسىنىڭ نەگىزىندە جەزوكشەلەردى، گەيلەردى، گەيشەلەردى، ناشاقورلاردى قاتاڭ جازاعا تارتۋ. ولاردى باس بوستاندىقتارىنان ايىرىپ،  قوعامنان الاستاتۋ.

تورتىنشىدەن، الماتى قالاسىندا «ار-وجدان» اتتى پوليتسيا توبىن قۇرۋ.

بەسىنشىدەن، الماتى قالاسىنا «لاس ءتۋريزمدى» كىرگىزۋگە مۇلدەم جول بەرمەۋ.

التىنشىدان، الماتى قالاسى بويىنشا، جاستاردىڭ، بالالاردىڭ ءتالىم-تاربيەسىنە الدىمەن وتباسىندا، سوسىن بالالار باقشاسىندا، مەكتەپتە، بارلىق وقۋ ورىندارىندا، ۇيىمداردا، كاسىپورىنداردا ءبىرىنشى كەزەكتە كوڭىل ءبولۋ. بارلىق وقۋ ورىندارىندا، بارلىق مەكەمەلەردە «ار-وجدان» ساباقتارىن وتكىزۋ.

جەتىنشىدەن، قازاق «قىزعا –قىرىق ۇيدەن تىيىم» دەپ بەكەر ايتپاعان. «قىزدىڭ نامىسى - ەلدىڭ نامىسى». قىزدىڭ نامىسى تاپتالسا، ەلدىڭ نامىسى ويران بولادى ەمەس پە؟ الماتى شاھارىندا تۇراتىن قىزداردىڭ ءتالىم-تاربيەسىنە باسا  نازار اۋدارىپ، ولاردى اقىلى وقۋدان قۇتقارۋ;.

 قۇرمەتتى باۋىرجان قىدىرعاليۇلى!

توقسان اۋىز ءسوزدىڭ توبىقتاي ءتۇيىنى تومەندەگىدەي: قالا ەكونوميكاسى وڭالار. قورشاعان ورتا ەكولوگياسى تۇزەلەر. وعان مەملەكەت  قالتاسىنان  قىرۋار قارجى بولىنۋدە. ال، ۇلتتىق رۋحاني ەكولوگيامىز، جاستارىمىزدىڭ ار، وجدان، نامىس، ۇلتتىق ءتالىم-تاربيەلەرى كەرى كەتۋدىڭ ۇستىندە. وسى ساۋالداردى مەن، 2012 جىلى  قر پرەزيدەنتى جانىنداعى «تەلەكوممۋنيكاتسيالار قىزمەتى ورتالىعىندا» ءباسپاسوز ءماسليحاتىن وتكىزگەن سول كەزدەگى قالا باسشىسى ەسىموۆ مىرزاعا ۇلتتىق قۇندىلىقتارعا ارنالعان عىلىمي-تانىمدىق «قازانات» جۋرنالىنىڭ اتىنان جولداعان بولاتىنمىن. سول جۋرناليستىك سۇراقتىڭ ستەنوگرامدىق ءماتىنى بىلاي بولاتىن:

«قۇرمەتتى احمەتجان سماعۇلۇلى! مىنا كەزەك كۇتتىرمەيتىن اششى سۇراققا ءسىزدىڭ كوڭىلىڭىزدى  بۇرىپ، وعان  تۇششىمدى جاۋاپ الايىن دەگەن نيەتپەن ميكروفونعا كەلىپ تۇرمىن. ءسىز، ءوز سوزىڭىزدە ەلباسىنىڭ  تاپسىرماسىمەن الماتى قالاسىندا ورىن العان ەكولوگيالىق پروبلەمالاردى جويۋعا ارنالعان ۇلكەن باعدارلامانىڭ جاسالعانىن، ونى جۇزەگە اسىرۋعا باعىتتالعان بۇرىن سوڭدى بولماعان  ميلليونداعان  دوللار كولەمىندە قارجى بولىنگەنىن جاقسى حابارلادىڭىز. ءسوز جوق، قورشاعان ورتا ەكولوگياسى  تازالانادى، ەكونوميكا وڭالادى. مەنىڭ ايتارىم، الماتى قالاسىندا رۋحاني ەكولوگيامىز، رۋحاني-ادامگەرشىلىك جۇمىستارىمىز، ار-وجدان، ار-نامىس ماسەلەلەرى ۇمىتىلعان. ونىڭ  ورنىنا، وسى ءبارىمىز جاقسى كورەتىن الماتى قالاسىندا، جاستاردى تازا جولدان  اداستىراتىن جىن-ويناق، شايتاني ورىندار ارام شوپتەي قاپتاپ كەتتى. ءسوزىم دالەلدى بولۋ ءۇشىن مىنا فاكتىنى ايتسام دا بولادى. بەلينسكي كوشەسىنىڭ بويىندا ورنالاسقان جاستارىمىزعا ۇلتتىق رۋحاني-پاتريوتتىق تاربيە بەرە الاتىن يپپودرومنىڭ جۇمىس  ىستەمەي تۇرعانىنا 2 جىل بولدى. ەشقانداي ات جارىستارى، بايگەلەر وتپەيدى. قازىر، ءتىپتى جابىلۋدىڭ، جەكە بيزنەسكە ساتىلۋدىڭ الدىندا تۇر. وسى جاعدايدا ءسىز باسقاراتىن الماتى قالاسىندا سوڭعى ەكى-ءۇش جىلدىڭ جۇزىندە 20 گەي، گەيشا كلۋبتارمەن 40 شاققتى كۇندىز-ءتۇنى جۇمىس جاسايتىن «جىن-ويناق» شايتاني مەكەمەلەر اشىلعان. نەگە ولارعا جول بەرسىزدەر؟

ەسىموۆتىڭ جاۋابى: «ساكە، سۇراعىڭىز دۇرىس. اسىرەسە، يپپودرومعا بايلانىستى. بۇل ساۋالمەن كەلىسەمىن. يپپودرومنىڭ جابىلماۋىنا كۇش سالامىن. قالالىق پارك باعدارلاماسى ارقىلى ساقتاپ قالۋعا بولادى. ءتيىستى شارا قولدانامىز. ال، گەيلەرگە كەلسەك جاعداي سولاي. جاستار تاربيەسى اقساپ تۇر»  ءادىلىن  ايتۋ كەرەك، سول جولى ەسىموۆ مەنىڭ ۇسىنىسىمنىڭ نەگىزىندە يپپودرومدى جابىلۋدان ساقتاپ قالدى.  

مەنىڭ ايتارىم، قۇرمەتتى، باۋىرجان قىدىرعاليۇلى، ار ماسەلەسىندە الدىمىزدا –جار، ارتىمىزدا – قۇز تۇر!   الماتىنى ارسىزدىقتان تازارتىڭىز! سىزگە سەنەمىن!

سادىبەك تۇگەل،

 «ۇلى دالا قىراندارى» رەسپۋبليكالىق قوعامدىق

مادەني-الەۋمەتتىك قوزعالىسىنىڭ تەڭ توراعاسى،

قر ەڭبەك سىڭىرگەن قايراتكەرى،  جازۋشى                                      

 12 تامىز 2016 جىل. الماتى قالاسى.

 Abai.kz