وڭتۇستىك قازاقستان وبلىسىنىڭ اكىمى بەيبىت اتامقۇلوۆ ريو-دە-جانەيروداعى XحXI جازعى وليمپيادا ويىندارىندا جەڭىسكە جەتىپ، ەل مەرەيىن اسقاقتاتقان سپورتشىلاردى جۇلدەلى مەدالدارىمەن قۇتتىقتايدى.

بۇل تۋرالى «Abai.kz» پورتالى وڭتۇستىك قازاقستان وبلىسى اكىمى ءباسپاسوز قىزمەتىنىڭ «فەيسبۋك» جەلىسىندەگى رەسمي پاراقشاسىنا سىلتەمە جاساي وتىرىپ حابارلايدى.

ءوڭىر باسشىسى جەرلەستەرىمىز - ريو وليمپياداسىنىڭ قولا جۇلدەگەرى وتگونتسەتسەگ گالبادراحقا جىلى لەبىزىن تىلەك حاتى ارقىلى جولدادى.

"قۇرمەتتى گالبادراح وتگونتسەتسەگ! قازاقستاندىقتار ءسىزدىڭ ونەرىڭىزدى زور قىزىعۋشىلىقپەن تاماشالادى. 
جوعارى سپورتتىق شەبەرلىگىڭىزبەن اسقان ەرىك-جىگەرىڭىز سىزگە قيىن كۇرەستە الەمدىك دەڭگەيدەگى مىقتى قارسىلاستاردى جەڭىپ شىعىپ، قازاقستاننىڭ وليمپيادالىق كومانداسى قورجىنىنا قولا مەدالدى الىپ بەرۋگە كومەكتەستى. 
ءسىزدىڭ وليمپيادا ويىندارىندا قولا مەدال الۋىڭىز ەلدىڭ جاس سپورتشىلارى ءۇشىن لايىقتى ۇلگى بولارى انىق.
الداعى ۋاقىتتا وليمپيادا ويىندارى مەن الەمدىك دەڭگەيدەگى جارىستاردا ەلىمىزدىڭ اتىن شىعارىپ، كوك تۋىمىزدى جەلبىرەتە بەرۋىڭىزگە شىن جۇرەكتەن تىلەكتەسپىن!", - دەلىنگەن جىلى لەبىزدى قۇتتىقتاۋدا.

سونىمەن بىرگە، وبلىس اكىمى وليمپيادانىڭ كۇمىس جۇلدەگەرى جازيرا جاپپارقۇلعا دا ىستىق سالەمىن جولدادى.

"قۇرمەتتى جازيرا جاپپارقۇل! ءسىزدىڭ ريو تورىندە ءوتىپ جاتقان جازعى وليمپيادا ويىندارىندا كۇمىس مەدال الۋىڭىزبەن شىن جۇرەكتەن قۇتتىقتايمىن! 
ءسىزدىڭ ايقىن جەڭىسىڭىز قازاقستاننىڭ داڭقىن الەمگە پاش ەتتى جانە وتاندىق اۋىر اتلەتيكانىڭ جوعارى دەڭگەيدە ەكەنىن تاعى كورسەتتى.
داڭقتى قارسىلاستارمەن سايىستا جەڭىپ العان كۇمىس مەدال ءسىزدىڭ جوعارى شەبەرلىگىڭىزدىڭ، قازاق قىزىنا ءتان قايسارلىعىڭىزدىڭ كورسەتكىشى.
الداعى ۋاقىتتا وليمپيادا ويىندارى مەن الەمدىك دەڭگەيدەگى جارىستاردا ەلىمىزدىڭ اتىن شىعارىپ، كوك تۋىمىزدى جەلبىرەتە بەرۋىڭىزگە شىن جۇرەكتەن تىلەكتەسپىن!، - دەلىنگەن تىلەك حاتتا.

Abai.kz