قازاقستاندىق اكتريسا ارۋجان جازىلبەكوۆا ەروتيكاعا تولى سەريالدا باستى ءرولدى سومدايدى، - دەپ حابارلايدى Qamshy.kz .

سونىمەن ارۋجان جازىلبەكوۆا "پەرۆىي كانال" ءتۇسىرىپ باستاعان "التىن وردا" تاريحي سەريالىندا باستى ءرولدى سومداماق. پروديۋسسەرلەردىڭ ايتۋىنشا، ەروتيكالىق ەپيزودتارعا تولى سەريال "تاقتار ويىنى" ("يگرا پرەستولوۆ") حيكاياسى سياقتى بولماق.

"التىن وردا" تاريحي سەريالى ەكى نۇسقامەن دايىندالادى: ءبىرىنشىسى - تەلەەكرانعا ارنالعان، كەيبىر تۇستارى قيىلعان بولسا، ەكىنشىسى - عالامتور كورەرمەندەرىنە ارنالعان تولىق نۇسقاسى.

اتالمىش فيلم بەركە حان حاندىق قۇرعان كەزەڭدى سۋرەتتەيدى. تاريحي حيكايادا ورىس كنيازدىكتەرىنىڭ باسىن بىرىكتىرۋدى قالايتىن ياروسلاۆ كنياز بەن ءوز يمپەرياسىن باسقارۋدا قاتالدىعىمەن اتى شىققان بەركە حانعا كوپ ورىن بەرىلگەن.

وقيعا جەلىسىندە التىن وردا ەلشىسى ءتاڭىر-تەمىردىڭ بوريس كنيازدىڭ ايەلى ۋستينيانى الىپ كەتۋ ءۇشىن ۆلاديميرگە كەلىپ، ورنىنا ياروسلاۆقا سىي رەتىندە نارعىز ەسىمدى سۇلۋ كۇڭىن تاستاپ كەتەدى.

قازاقستاندىق اكتريسا ارۋجان جازىلبەكوۆا نارعىزدىڭ ءرولىن سومدايدى، ول بۇل ءۇشىن ارنايى كاستينگتەن تاڭدالىپ الىنعان.

"بۇگىن "پەرۆىي كانال" ءتۇسىرىپ جاتقان رەسەيلىك جوبا "التىن وردانىڭ" العاشقى ءتۇسىرىلىم كۇنى بولدى. باستى رولدەردىڭ بىرىندەمىن! مەنى شىمشىپ الىڭدار نەمەسە ۆالەريانكا بەرىڭدەر!", - دەپ قۋانىشىن ءبولىستى اكتريسا ءوزىنىڭ الەۋمەتتىك جەلىدەگى پاراقشاسىندا.

Abai.kz