امينانىڭ الار اسۋى الدا

ادامداردىڭ كىشكەنتاي كەزىنەن باستاپ، بەلگىلى ءبىر جەتىستىككە جەتۋدى ارمانداۋى قالىپتى جاعداي. الدىنا قويعان ماقساتىنا قول جەتكىزۋ بارىسىندا ادامدار ءوزىنىڭ بويىنداعى تۋا بىتكەن جانە جۇرە قالىپتاسقان قابىلەتتەرىن پايدالانادى. ادامداردىڭ بويىنداعى ەرەكشە قابىلەتى، ونى باسقالارعا قاراعاندا وقشاۋلاندىرىپ تۇرادى.

بۇگىنگى ءبىز اڭگىمە ەتكەلى وتىرعان كىشكەنتاي جەتكىنشەك وسىنداي ەرەك تۋعان دارىن يەسى. جانعازى ءامينا نۇرلانقىزى كىشكەنتاي كەزىنەن سۋرەت سالۋدى جاقسى كورەدى. اينالاسىنداعى كورگەن ءاربىر زاتتى ول وزگەشە سەزىممەن قابىلدايدى. سول ونەردى ارى قاراي جالعاستىرۋ ويىندا بار ەكەن.

بىلتىرعى وقۋ جىلىندا جانۇياسىمەن ەكى جىلعا تۇركيانىڭ انتاليا قالاسىنا قونىس اۋدارعان، بيىل سول قالاداعى توروس مەكتەبىنىڭ 7-سىنىبىن ۇزدىك تامامداعان.

وقۋ جىلىنىڭ اياعىنداعى انتاليا قالالىق ءبىلىم باسقارماسىنىڭ مەكتەپتەر اراسىنداعى ەكولوگيا تاقىرىبىنا وتكەن سۋرەت جارىسىنان ءامينا ءبىرىنشى ورىنعا يە بولىپ، مەدال مەن 200 لير (بىزشە 20 مىڭ تەڭگە شاماسىندا) اقشالاي سىيلىق الىپتى.

بيىلعى قىركۇيەك ايىندا 13 جاسقا تولاتىن ءامينا ءوزىنىڭ ارتىنان ەرگەن باۋىرى جانىبەك پەن ەكى ءسىڭلىسى ءجانيا مەن ادياعا دا ۇلكەن اپكەسى رەتىندە كوپ كوڭىل بولەدى.

كىشكەنە كەزىندە سالعان العاشقى سۋرەتتەرى مەن كەشە عانا قارىنداشپەن سالىپ بىتىرگەن الماتى قالاسىنىڭ سيمۆولى – قار بارىسىنىڭ سۋرەتىن جاريالاپ وتىرمىز.