بايان ەسەنتاەۆا جۇمىسقا كىرىسىپ، ءوزى جەتەكشىلىك ەتەتىن توپتاردىڭ جاڭالىعىن ءبولىسىپ جاتىر،-دەپ جازادى Stan.kz پورتالى.

ماۋسىمنىڭ 10-ى كۇنى بولعان قاندى وقيعا بايان ەسەنتاەۆانىڭ تۋعان تۋىسقاندارىن دا، بارشا قازاقستاندىقتى دا الاڭداتتى. ءبىرى تەز ساۋىعۋىن تىلەسە، ەندى ءبىرى كەرىسىنشە مۇنى ادىلەتتىلىككە بالادى. دەسە دە، پروديۋسەر نەبارى 10 كۇننىڭ ىشىنە دەنساۋلىعىنىڭ جاقسارعانىن ايتتى. ارادا ءبىر جارىم اي وتكەن سوڭ ىسكە كىرىستى.

بولعان وقيعانى كىشى قىزى ايارۋ باقىتبەك قابىلداي الماي جۇرسە كەرەك. ول ءوزىنىڭ ينستاگرام جەلىسىندەگى پاراقشاسىنان اكەسىنىڭ سۋرەتتەرىن تولىقتاي ءوشىرىپ تاستاعان. ونىڭ قينالىپ جۇرگەنىن بايان ماقساتقىزى دا سەزگەن-ءدى. ايارۋدى اكە-شەشەسىمەن بىرگە شەتەلگە جىبەرۋدى ءجون كورىپتى.

“جاز ناعىز دەمالاتىن ۋاقىت. ايارۋ اتا-اناممەن بىرگە Rixos Premium Belek كەشەنىنە دەمالۋعا بارىپ، “The Land of Legend” ساياباعىندا كوڭىل كوتەرمەك. دەمالىسى تۋرالى ايارۋدىڭ ءوزى تولىعىراق ايتىپ بەرەدى. ونىڭ پاراقشاسىن ءجىتى باقىلاپ وتىرىڭىزدار. ول جەردە ءپوزيتيۆتىڭ كوپ بولارى انىق!”، – دەيدى بايان ەسەنتاەۆا.

پروديۋسەر قىزىنىڭ كوڭىلىن اۋلاپ قانا قويماي، جۇمىسقا كىرىسىپ كەتكەنىن دە بايقاتتى. “جۋىردا “لاشىن” تاماشا ءان ۇسىنادى”، – دەپ جازىپ، بەينەباياننىڭ ءۇزىندىسىن جۇكتەگەن.

جەلى قولدانۋشىلارى ونىڭ “ونلاين الەمگە” قايتا ورالعانىنا قۋانىپ قالدى. “بايان، ءسىز ءۇشىن قۋانىشتىمىز! باعىندىرار بەلەستەرىڭىز الدا ەكەنىنە سەنىمدىمىن. جاڭا بەينەباياندى اسىعا كۇتەمىز”، “سىزگە دەنساۋلىق پەن سۇلۋلىق قانا تىلەيمىز! ال قىزدارىڭىز تابىستى بولسىن! ولارعا ءسىزدىڭ امان-ەسەن جۇرگەنىڭىز سىي عوي”، “جازىلعانىڭىزعا قۋانىشتىمىن، جاراتقان ۇزاق عۇمىر بەرسىن! باقىتتى بولىڭىز”، – دەيدى ولار.

Abai.kz