2016 جىلدىڭ سوڭىنا دەيىن «باتىس ەۋروپا – باتىس قىتاي» ترانزيتتىك دالىزىندە تۇتاستاي جول اشىلادى ء(تورت جولاق بويىن­شا 2787 كم). بۇدان وزگە، شىمكەنت – تاش­كەنت ۋچاسكەسىندە (100 كم، 4 جو­لاق), الماتى – قاپشاعاي (104 كم،
6 جولاقتى قوزعالىس) جانە قاپ­­شا­عاي – تالدىقورعان (141 كم), اس­تانا – تەمىرتاۋ (171 كم), اق­تاۋ – بەي­نەۋ (470 كم، 4 جولاق­تى قوز­­عا­لىس) اۆتوجولدارىندا جول اشى­لادى, - دەپ حابارلادى پرەمەر-ءمينيستردىڭ رەسمي سايتى. 

قوزعالىس 6, 4 جانە 2 جولاق بويىنشا جۇزەگە اسىرىلاتىن استانا – كوكشەتاۋ – پەتروپاۆل (489 كم) ءدالىزى تولىق اشىلدى.

ەسكە سالساق، ۇكىمەت ۇيىندە پرەمەر-ءمينيستردىڭ ءبىرىنشى ورىنباسارى اسقار ءماميننىڭ توراعالىعىمەن رەسپۋبليكالىق جانە جەرگىلىكتى ماڭىزى بار اۆتوموبيل جولدارىنىڭ جەلىسىن، سونداي-اق، جول بويىنداعى سەرۆيس نىساندارىن دامىتۋ ماسەلەلەرى بويىنشا سەلەكتورلىق كەڭەس وتكەن بولاتىن.

كەڭەس بارىسىندا ين­ۆەستي­تسيالار جانە دامۋ ءمي­نيسترى جەڭىس قاسىمبەكتىڭ، ينۆەستي­تسيالار جانە دامۋ ۆيتسە-ءمي­نيسترى بەرىك قاماليەۆتىڭ، «قازاۆتوجول» ۇك» اق باسقارما توراعاسى ەرمەك قيزاتوۆتىڭ، وبلىس باسشىلارىنىڭ ەسەپتەرى تىڭدالدى. ەسەپتەرگە سايكەس، اۆتوموبيل جولدارىن جوندەۋ بويىنشا بارلىق جوسپارلار اعىمداعى جىلى ورىندالدى. 2016 جىلدىڭ قورىتىندىسى بو­يىنشا رەسپۋب­ليكالىق ماڭىزى بار 924 كم اۆتوجولدى جوندەۋ اياقتالدى.

2016 جىلدىڭ سوڭىنا دەيىن «باتىس ەۋروپا – باتىس قىتاي» دا­لى­زىندە تۇتاستاي، «ورتالىق – وڭتۇستىك» ءدالىزىنىڭ اس­تانا – تەمىرتاۋ جانە الما­تى – قاپشاعاي ۋچاسكەلەرىندە قوزعا­لىس اشىلادى. باتىستا اقتاۋ – بەينەۋ اۆتوجولىندا قوزعالىس اشىلادى. قازىرگى ۋاقىتتا كوك­شەتاۋ – پەتروپاۆل اۆتوجولى اشىلدى. قوستانايداعى توبىل وزەنى جانە پاۆلودار وبلىسىندا ەرتىس وزەنى ارقىلى وتەتىن كوپىرلەر پايدالانۋعا بەرىلدى.

اعىمداعى جىلى رەسپۋب­ليكالىق ماڭىزى بار 1 200 كم اۆتوجولدا كۇردەلى، ورتاشا جانە اعىمداعى جوندەۋ جۇرگىزىلدى.

2017 جىلى رەسپۋبليكالىق ماڭىزى بار 2 مىڭ كم-گە جۋىق اۆتوجولدى جوندەۋ جۇمىستارىمەن قامتۋ جانە 555 كم جولدى پاي­دا­لانۋعا بەرۋ جوسپارلانعان، ونىڭ ىشىندە «ورتالىق – شىعىس» ءدا­لىزى بويىنشا – 208 كم، قاپشاعاي – تالدىقورعان – 24 كم، بەينەۋ – اقتاۋ – 230 كم، قورداي اۋى­لىن­داعى اينالما جول – 40 كم، ورال – كامەنكا – 27 كم جانە اقتوبە – اتىراۋ – 26 كم.

ء«بىز سونداي-اق، «استانانىڭ وڭتۇستىك – باتىس اينالما جولى­نىڭ»، جەتىباي – جاڭاوزەن، بەي­نەۋ – اقجىگىت، قوستاناي – دەني­سوۆكا، تالدىقورعان – وسكەمەن، كۇرتى – بۋرىلبايتال جانە ت.ب. جاڭا ۋچاسكەلەرىن قايتا قۇرۋ جۇمىستارىن باستاۋدى جوسپارلاۋدامىز»، دەدى ۆيتسە-مينيستر.

كەڭەس بارىسىندا اۆتوجول­دار­دىڭ جەرگىلىكتى جەلىسىن دامىتۋ ماسەلەلەرى قارالدى. قازاق­ستان­داعى جەرگىلىكتى ماڭىزداعى اۆتوجول جەلىسىنىڭ جالپى ۇزىن­دىعى 72,8 مىڭ كم-ءنى قۇرايدى.

بۇگىنگى تاڭدا جەرگىلىكتى جەلىدە جول-جوندەۋ جۇمىس­تارى­مەن 2 مىڭ كم-دەن استام اۆتوجول قامتىلعان، سونىڭ ىشىندە 130 كم قۇرىلىس پەن قايتا قۇرۋ، 1 884 كم كۇردەلى جانە ورتاشا جوندەۋ جۇمىستارى جۇرگىزىلۋدە.

سونىمەن قاتار، اقمولا، اقتوبە، باتىس قازاقستان، قوس­تاناي جانە پاۆلودار وبلىستارىندا جەرگىلىكتى بيۋدجەتتەن جەت­كىلىكسىز قارجىلاندىرۋدىڭ باي­قالاتىنى ايتىلدى.

ا.مامين جەرگىلىكتى اۆتوكو­لىك جولدارىن ءتيىستى ساپامەن قامتۋ وسى سالانىڭ باسىم مىندەتتەرىنىڭ ءبىرى سانالاتىنىن ەسكەردى. وسىعان وراي، وبلىس اكىمدەرىنە 2017 جىلعا جەرگىلىكتى ماڭىزداعى اۆتوكولىك جولدارىن دا­مىتۋعا، جوندەۋگە جانە ونى قام­تۋعا جەرگىلىكتى بيۋدجەتتەن قار­جى كولەمىن ۇلعايتۋ تاپسىرىلدى.

جول بويىنداعى سەرۆيس نى­­سان­دارىن دامىتۋ ماسەلەسى بويىن­شا سوڭعى جىلدارى رەس­پۋب­لي­كالىق ماڭىزى بار جولداردا جىل سايىن 6%-دىق دەڭگەيدە جۇك تاسىمالىنىڭ تۇراقتى ۇدەرىسىنىڭ ارتقانى بايقالادى.

جولداعى اۆتوتاسىمالداردى ءارى قاراي زاماناۋي، ساپالى قىز­مەتتەرمەن قامتاماسىز ەتۋ ماق­ساتىندا 2015 جىلى جول بويى سەرۆيسى نىساندارىنا ارنالعان ۇلتتىق ستاندارت بەكىتىلگەن بولاتىن.

بۇگىندە رەسپۋبليكادا شامامەن 2,5 مىڭ جەكەلەگەن سەرۆيس نى­ساندارى قىزمەت كورسەتەدى، ونىڭ كوبى اجقس جانە ساۋدا مەن تاماقتانۋ ورىندارى، ونىڭ  80%-ى بەكىتىلگەن ستاندارتتاردىڭ تالاپتارىنا سايكەس كەلمەيدى.

«نۇرلى جول» باعدارلاماسىنا سايكەس، 2020 جىلعا دەيىن نەگىزگى اۆتوجولداردا ستاندارتقا ساي كەلە­تىن سەرۆيستىڭ ءبىرىنشى كەزەك­تەگى 260 نىسانى ورنالاستىرىلاتىن بولادى.

ولاردىڭ جەرگىلىكتى اتقارۋشى ورگاندارمەن كەلىسىلگەن تۇردە بىرقالىپتى ورنالاسۋى ءۇشىن اتالعان نىسانداردى ا، ۆ، س جانە د ساناتىمەن ورنالاستىرۋدىڭ سىزباسى ينۆەستيتسيالار جانە دامۋ ءمينيسترىنىڭ بۇيرىعىمەن ازىر­لەنىپ، بەكىتىلدى.

شارالاردىڭ وڭىرلىك جوسپار­لارىنىڭ نەگىزىندە بيىلعى جىلدىڭ جەلتوقسانىندا «قاز­اۆتوجول» 20 مىڭنان استام ادام جۇمىس ىستەيتىن، جول سەرۆيسىنىڭ ءبىرىنشى كەزەكتى نىساندارىنىڭ دامۋى مەن قولدانىستاعى نىسانداردى جەتىلدىرۋدەن تۇراتىن 2020 جىلعا دەيىنگى جول بويى سەرۆيسىن دامىتۋ باعدارلاماسىنىڭ جوباسىن ۋاكىلەتتى ورگاننىڭ قاراۋىنا جىبەرۋدى جوسپارلايدى.

سەلەكتورلىق جيىننىڭ قو­رى­تىن­دىسىن شىعارا وتىرىپ، پرەمەر-ءمينيستردىڭ ءبى­رىن­شى ورىنباسارى «2016 جىلى قازاقستاننىڭ اۆتوجول ينفرا­قۇرى­لىمىن جەتىلدىرۋ جونىندە ەداۋىر جۇمىستىڭ اتقارىل­عانىن» ايتتى. سونىمەن بىرگە، ول بىرقاتار تاپسىرما بەردى:

– ينۆەستيتسيالار جانە دامۋ مينيسترلىگىنە جەرگىلىكتى اتقارۋشى ورگاندارمەن جانە «قازاۆتوجول» ۇك» اق-پەن 2017 جىلى قۇرىلىس جۇمىستارىن ۋاقتىلى باستاۋ;

– 2017 جىلدىڭ 1 ساۋىرىنە دەيىن 2020 جىلعا دەيىن حالىقارالىق جانە رەسپۋبليكالىق ماڭىزداعى اۆتوكولىك جولدارىنىڭ جول سەرۆيسىن دامىتۋ باعدارلاماسىن جانە ونى ىسكە اسىرۋ بويىنشا شارالار جوسپارىن بەكىتۋ.

Abai.kz