پرەزيدەنتتەن پارلامەنتتىڭ باسىم داۋىسىنا يە بولاتىن كواليتسيا قۇرۋعا قۇقىق العان قىرعىزستاننىڭ سوتسيال-دەموكراتيالىق پارتياسى (قسدپ) «رەسپۋبليكا-اتا-جۇرت», ء«بىر بول» جءانە «قىرعىزستان» فراكتسيالارىمەن كەلىسسءوز جءۇرگىزىپ جاتىر.

سوتسيال-دەموكراتتار ليدەرى يسا ومۋركۋلوۆ «رەسپۋبليكا-اتا-جۇرت» ليدەرى ومۋربەك بابانوۆپەن كەزدەسكەنىن، پارلامەنتتە ءبىر كواليتسيانىڭ استىندا جۇمىلۋ تۋرالى سويلەسكەندەرىن ايتتى. ونىڭ سوزدەرىنشە، بابانوۆ ۇسىنىستاردىڭ ارتىقشىلىعى مەن كەمشىلىكتەرىن تارازىلاۋعا ۋاقىت سۇراعان. «ۇكىمەتكە، مينيسترلەرگە، باعدارلاماعا قاتىستى سۇراقتارى تۋىنداۋى مۇمكىن. ءبىز ولاردىڭ دا ۇسىنىستارىن تىڭدايمىز. ەگەر ءبىزدىڭ ۇستانىمدارىمىز سايكەس كەلىپ جاتسا، بىرىگۋىمىز مۇمكىن»، - دەيدى ومۋركۋلوۆ.

وتكەن اپتانىڭ سوڭىندا ومۋركۋلوۆ ء«بىر بول» جانە «قىرعىزستاننىڭ» جاڭا ليدەرىمەن كەزدەسكەن.

ومۋركۋلوۆتىڭ تۇسىندىرۋىنشە، سوتسيال-دەموكراتتاردىڭ كواليتسيادان شىعۋىنىڭ باستى سەبەپتەرىنىڭ ءبىرى "قسدپ فراكتسياسى مەن «اتا مەكەن» جانە «ونۋگۋ-پروگرەسس» فراكتسيالارى اراسىندا تۇسىنبەۋشىلىك ورىن العان. ونىڭ سوڭى كواليتسيانىڭ تارقاۋىمەن اياقتالدى. سول كەزدە پرەزيدەنت المازبەك اتامباەۆ ۇكىمەتتىڭ وتستاۆكاسىن قابىلداپ، سوتسيال-دەموكراتتارعا پارلامەنتتىڭ باسىم داۋىسىنا يە بولاتىن كواليتسيا قۇرۋعا بۇيرىق بەرگەن.

ەسكە سالا كەتەيىك، جوگوركۋ كەڭەشتە 6 پارتيانىڭ وكىلدەرى بار: (قسدپ) (38 ماندات), «رەسپۋبليكا-اتا-جۇرت» (28), «قىرعىزستان» (18), «ونۋگۋ-پروگرەسس» (13), ء«بىر بول» (12) جانە «اتا مەكەننىڭ» (11) مانداتتارى بار.

Abai.kz