«Ontustik Tourism-2016» حالىقارالىق تۋريستىك فورۋمى بارىسىندا وڭىرىمىزگە كەلگەن قر ينۆەستيتسيالار جانە دامۋ مينيسترلىگى تۋريزم يندۋسترياسى دەپارتامەنتىنىڭ ديرەكتورى مارات يگاليەۆتىڭ ايتۋىنشا، 2014 جىلى قر پرەزيدەنتى ن. نازارباەۆتىڭ ۇسىنىسىنا سايكەس، «تۇركىتىلدەس مەملەكەتتەردىڭ ىنتىماقتاستىق كەڭەسىنە» مۇشە ەلدەر اراسىندا (تۇركيا، قىرعىزستان، ءازىربايجان، قازاقستان) «جىبەك جولى بويىنشا بىرىڭعاي تۋريستىك مارشرۋت» ازىرلەنىپ، اتالعان باعىتتارعا تۇركىستان قالاسىنىڭ تۋريستىك نىساندارى دا ەنگىزىلگەن.

ياعني، «ەكسپو-2017» حالىقارالىق كورمە قوناقتارى ءۇشىن وڭتۇستىك قازاقستان وبلىسى ەرەكشە تۋريستىك ايماق رەتىندە جارنامالانىپ جاتقانىن جەتكىزدى.

قازاقستان رەسپۋبليكاسىنىڭ 2020 جىلعا دەيىنگى تۋريزم سالاسىن جاڭا قالىپتا دامىتۋ جونىندە ءسوز قوزعاعان دەپارتامەنت ديرەكتورى وڭتۇستىك قازاقستان وبلىسىنىڭ مادەني تۋريزم جانە تۋرنە باعىتتارىندا جۇمىس ىستەپ جاتقانىن العا تارتتى.

«باتىس ەۋروپا-باتىس قىتاي» ترانزيتتىك ءدالىزىنىڭ بويىنا قوعامدىق نىساندار سالۋ بويىنشا جاسالعان تالداۋ ناتيجەسىندە وڭتۇستىك قازاقستان وبلىسىنا جەرگىلىكتى جەردىڭ تاريحي مۇراسىنا بايلانىستى الداعى ۋاقىتتا 3 قىزمەت كورسەتۋ نىسانىن سالۋ ۇسىنىلىپ جاتقانىن حابارلادى.

سونداي-اق، مارات يگاليەۆ وڭتۇستىك قازاقستان ۇلى جىبەك جولىنىڭ جۇرەگى رەتىندە دامىتۋدى پوزيتسيالاۋ ماقساتىندا ۇيىمداستىرىلعان شارا تۋريستتىك الەۋەتتىڭ ارتۋىنا جانە وڭىرلەر اراسىنداعى ىنتىماقتاستىقتى جانداندىرۋعا سەرپىلىس بەرەتىنىن اتاپ ءوتتى.

Abai.kz