تۇركىستان قالاسىندا تاعى دا ايتۋلى شارا. تاۋەلسىزدىكتىڭ 25-جىلدىعى قارساڭىندا  قالا تۇرعىندارىنىڭ قۋانىشىندا شەك جوق. كوپتەن بەرى شەشىمىن تابا الماي كەلە  جاتقان تۇيتكىلدى ماسەلە بۇگىن وڭ ناتيجەگە قول جەتكىزۋدە. ول «نۇر-اسەم» مال بازارىنىڭ اشىلۋى. اشىلۋعا ارنايى بارىپ لەنتاسىن قيعان قالا اكىمى بازار ۇجىمىنا تابىس تىلەدى.

 بازار باسشىلىعى-جەكە كاسىپكەر ءابسامات ماتكارىمۇلى ستاندارتقا ساي سوڭعى ۇلگىدەگى، اشىلعان بۇل ورىندا ەكى ءجۇز ادامدى جۇمىسپەن قامتيتىنىن تىلگە تيەك ەتتى.

تۇركىستان قالاسى جانە اۋىلدىق وكرۋگتەردىڭ نەگىزگى كۇنكورىس سالاسى مال مەن ەگىن شارۋاشىلىعى ەكەنى  بەلگىلى.جىل وتكەن سايىن مال باسىنىڭ ارتۋى كوڭىل قۋانتادى.سونىڭ ىشىندە ىقم باسى 81994 باس  106,5%-عا، قوي-ەشكى 437577 باس 104,5%-عا، جىلقى 9983باس 108,5%-عا، تۇيە 2742 باس 105,4%-عا ارتتى، شوشقا 1089 باس، 82,4% قۇراعان.

مەملەكەتتىك باعدارلامالار اياسىندا مال باسىن اسىلداندىرۋ سالاسى دا ىلگەرى دامىپ كەلەدى.  بۇگىنگى تاڭدا ەل ەكونوميكاسىنىڭ قوزعاۋشى كۇشىنە اينالعان شاعىن جانە ورتا كاسىپكەرلىككە مەملەكەت تاراپىنان ەرەكشە قولداۋ كورسەتىلىپ جاتقانى بەلگىلى. سونىڭ ىشىندە جەكە كاسىپكەرلىكتى قولداۋ.

بۇگىندە الەمدىك دەڭگەيدەگى «دامۋ كونتسەپسياسى» تۇجىرىمداماسى جاسالىپ جاتىر. وندا وركەنيەتتى جانە دىمىعان قالالاردىڭ ستاندارتتىق تالاپتارعا سايكەس كەلۋى باستى نازاردا. سول ءۇشىن دە تۇجىرىمداماعا سايكەس قالامىز قۇرىلىمى، بازارلار جۇيەسى  بويىنشا جالپىعا بىردەي ستاندارتقا ساي بولۋى كەرەك. ەسكى مال بازاردىڭ قالا كەلبەتىنە جانە دە سانيتارلىق تالاپتارعا سايكەس كەلمەۋىن ەسكەرىپ، كاسىپكەرگە ىڭعايلى جەر ۇسىنىلعان بولاتىن. وسى زاماناۋي ۇلگىدەگى جاڭا مال بازار حالىقتىڭ يگىلىگىنە جارايتىن بولادى.

Abai.kz