اقمولا وبلىسىندا 300-دەن استام ادام ەكى ەلدىڭ ازاماتتىعىن يەلەنىپ ءجۇر. بۇل تۋرالى اقمولا وبلىستىق ءىىد ءباسپاسوز قىزمەتى حابارلادى.

جىل باسىنان بەرى اقمولا وبلىسىندا ەكى ەلدىڭ ازاماتتىعىن الىپ العان 300-دەن استام فاكتى تىركەلىپتى. ال، قۇزىرلى ورگاندار بولسا، قوس ازاماتتىعى بار 6 ادامدى اكىمشىلىك جازاعا تارتقان. سونىڭ ىشىندە 3 ادام قازاقستان اۋماعىنان شىعارىلعان.

قازاقستان رەسپۋبليكاسىنىڭ ازاماتتىعىنان شىعارىلعان تۇرعىنداردىڭ باسىم كوپشىلىگى رەسەي فەدەراتسياسى ازاماتتىعىن الىپتى.

قازاقستاننىڭ «ازاماتتىق تۋرالى» زاڭىنىڭ 2 تاراۋى، 21-بابى بويىنشا، قازاقستان رەسپۋبليكاسىنىڭ ازاماتتىعىمەن قاتار، وزگە ەلدىڭ ازاماتى رەتىندە تىركەلگەن جاعدايدا، 30 تاۋلىكتىڭ ىشىندە ىشكى ىستەر ورگاندارىنا نەمەسە قر ەلشىلىگىنە حابارلاسىپ، قر ازاماتتىعىن راستايتىن قۇجاتتى تاپسىرۋى ءتيىس.

قر كونستيتۋتسياسىنىڭ نەگىزىندە قازاقستان ازاماتتىعىمەن قاتار، وزگە ەلدىڭ ازاماتتىعىن قاتار يەلەنگەن جاعدايدا اكىمشىلىك ايىپپۇل سالىنۋى نەمەسە سوت شەشىمىنە سايكەس قازاقستان اۋماعىنان شىعارىلۋى كەرەك.

ەلىمىزدىڭ سولتۇسىتىگىندە قوس ازاماتتىعى بار تۇرعىندار تۋرالى بۇرىننان ايتىلىپ كەلەدى. ول ءسوزدىڭ راستىعىن ەندى مىنە، رەسمي ورگاننىڭ ءوزى ءمالىم ەتىپ وتىر. قوس ازاماتتىق... جاي عانا ازاماتتىق ەمەس، بۇل زاماندا ول قورقىنىشتى ازاماتتىق. اباي بولايىق. 

نۇرزات توعجان

Abai.kz