كۇلەكباەۆقا تەررورلىق اكت جاسادى، كۇش قۇرىلىمدارىنىڭ سەگىز قىزمەتكەرىن جانە ەكى بەيبىت تۇرعىندى ءولتىردى، ءۇش ادامدى ولتىرۋگە تالپىندى، سونداي-اق قارۋ-جاراقتى، وق-ءدارىنى، جارىلعىش زاتتى زاڭسىز جولمەن جاسادى، الدى، ساقتادى جانە وتكىزدى، ءاۆتوموبيلدى ۇرلادى جانە كىسى بوستاندىعىن شەكتەدى دەگەن رەسمي ايىپتار تاعىلعان.

تەرگەۋ نۇسقاسى بويىنشا، بارلىق شابۋىلداردى ول 18 شىلدەدى جالعىز ءوزى جاساعان، وسى ارەكەتى ارقىلى كۇدىكتى بۇعان دەيىن تۇرمەدە وتىرعان جىلدارى ءۇشىن پوليتسيادان كەك قايتارماق بولعان دەلىنەدى. بۇعان دەيىن ونى زاڭسىز قارۋ ساقتاپ، ۇرلىق جاسادى دەگەن ايىپتارمەن سوتتاعان.

قازاقستان قىلمىستىق كودەكسىندە ءولىم جازاسى اسا اۋىر قىلمىستارعا قولدانىلادى، دەگەنمەن 2003 جىلى ءولىم جازاسىن ورىنداۋعا موراتوري جاريالاندى.