الماتىنىڭ “قايراتىندا” ونەر كورسەتىپ جۇرگەن رەسەيلىك اندرەي ارشاۆين قازاقستان تۋرالى وي-پىكىرلەرىمەن ءبولىستى.

“مەن جىلقى ەتىن بۇرىننان دا جەيتىنمىن. سوندىقتان قازى ۇنادى. ال بەشبارماق سونشالىقتى ۇناي قويعان جوق. وزبەكستانعا جاقىن ورنالاسسا دا، قازاقستاننان ءالى ءدامدى پالاۋ جەگەن جوقپىن”، – دەيدى ارشاۆين.

سونىمەن قاتار، فۋتبولشى شۆەيتساريالىق كلۋبتاردىڭ بىرىندە ويناۋعا قالاي قارايسىز دەگەن سۇراققا دا جاۋاپ بەردى.

“ماعان الماتى ۇنايدى. مۇندا ءبارى تاماشا. دوستارىم دا كوپ. شىنىمدى ايتسام، ورىسشا سويلەمەيتىن ەلدەرگە بارعىم كەلمەيدى. ال قازاقستاندا بۇل تۇرعىدان قيىندىق جوق. مۇندا ءبارى ورىسشا سويلەيدى. تۋرا رەسەي سياقتى”، – دەدى فۋتبولشى.

بۇگىندە الماتىنىڭ “قايراتىندا” وينايتىن ارشاۆين 8 گول سوعىپ ۇلگەردى.

Abai.kz