بەيسەنبى, 28 ناۋرىز 2024
بىلگەنگە مارجان 3684 0 پىكىر 14 قازان, 2016 ساعات 08:54

نوبەل سىيلىعى. بوب ديلان كىم؟

 

امەريكالىق ءانشى، كومپوزيتور، جازۋشى، كينواكتەر بوب ديلان ادەبيەت اتالىمى بويىنشا 2016 جىلدىڭ نوبەل سىيلىعىنىڭ يەگەرى اتاندى. 
75 جاستاعى كومپوزيتوردىڭ وسى اتتاققا يەلەنۋى كوبىن تاڭعالدىردى دەۋگە بولادى. بوب ديلان 1941 جىلى اقش-تىڭ ميننەسوتا شتاتىندا دۇنيەگە كەلدى. سوڭعى ەلۋ جىلدىقتىڭ بەلدى روك ءانشىسى بوب ديلان نوبەل سىيلىعىن ۇلى امەريكالىق انشىلىك ءداستۇردىڭ اياسىنداعى جاڭا پوەزيالىق بەينەنى قالىپتاستىرۋشى رەتىندە الىپ وتىر. 


 
ونىڭ اتاقتى اندەرىنىڭ قاتارىندا Master of wars, Like a rolling stone, Blowin` in the wind, Knockin` on Heaven’s door, The times there are a changin` بار. 
ۇلىبريتانيالىق بەلدى مادەنيەت پەن مۋزىكا سالاسىنداعى «Rolling Stones» جۋرنالى بوب ديلاندى اتاقتى بيتلز توبىنان كەيىنگى ۇلى مۋزىكانتتار قاتارىنا جاتقىزدى. ال «Time» جۋرنالى بولسا، ديلاندى حح عاسىردىڭ 100 ۇلى ادامى تىزىمىنە ەنگىزگەن ەدى. 
كوبىنە فولك ءستيلىنىڭ ورىنداۋشىسى رەتىندە الەمگە تانىلعان بوب ديلاننىڭ ءبىراز اندەرى ازاماتتىق قۇقىق پەن اقش-تىڭ سوعىسقا قارسى ۇرانىنا اينالىپ تا ۇلگەردى. ونىڭ ەنشىسىندە 9 گرەممي، التىن گلوبۋس جانە «Things Have Changed» فيلمىنە ۇزدىك ءان اتالىمى بويىنشا «وسكار»، سونداي-اق ونداعان مەدال مەن باسقا دا اتاقتارى بار.

ءانشى، جازۋشى، سۋرەتشى، سونداي-اق، فيلم سالاسىندا دا ءوز ورىن تاپقان جان-جاقتى بوب ديلان ەكى كينوتۋىندىسىن شىعاردى – ول ءوزىنىڭ گاسترولدىك ساپارالىنان الىنعان كونتسەرتتەرى جانە بەس ساعاتتىق «رەنالدو مەن كلارا» دراماسى.  

2015 جىلى دا ديلان نوبەل سىيلىعىنىڭ ۇمىتكەرلەرى قاتارىنا ىلىنگەن ەدى.
اقبوتا كۇزەكباي
ادەبيەت پورتالى
0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3530