جەكسەنبى, 17 قاڭتار 2021
ەكونوميكا 1789 0 پىكىر 8 قازان, 2016 ساعات 00:00

الماتىدا جامبىل وبلىسىنىڭ شارۋاشىلىق جارمەڭكەسى ءوتتى

ايماقارالىق سەرىكتەستىك اياسىندا الماتى قالاسىنىڭ «استانا» الاڭىندا جامبىل وبلىسىنىڭ 10 اۋدانى مەن تاراز قالاسىنىڭ ونىموندىرۋشىلەرى 240 توننا ونىمدەرىن جەرگىلىكتى حالىققا ۇسىندى. سونىمەن قاتار اتالمىش جارمەڭكەگە الماتى قالاسىنىڭ 40 جۋىق ساۋدا جانە تاماق ونەركاسىپتىك مەكەمەلەرى قاتىسىپ، قىزۋ اتسالىستى.

ءىس-شاراعا الماتى قالاسىنىڭ اكىمى باۋىرجان بايبەك جانە جامبىل وبلىسى اكىمى كارىم كوكرەكباەۆتار ارنايى قاتىستى.

جارمەڭكەدە جەرگىلىكتى تۇرعىندارعا 30 تونناعا تارتا ەت ونىمدەرى، 16 توننا ءسۇت، 5 توننا شۇجىق ونىمدەرى مەن 5 توننا قانت-قۇمشەكەرى، 1,5 توننا كونديتەرلىك ونىمدەر، 2 توننا بال، 160 توننادان استام جەمىس-جيدەكتەر مەن كوكونىستەر ت.ب. ۇسىنىلدى.

جارمەڭكەدەگى ازىق-تۇلىك تاۋارلارىنىڭ بارلىعى دا نارىق باعاسىنان 10-20 پايىز تومەن باعامەن ساتىلىمعا شىعارىلدى.

ەستەرىڭىزگە سالا كەتسەك، الماتىدا سوڭعى سەگىز جىلدان استام ۋاقىت ارالىعىندا ءداستۇرلى تۇردە اۋىلشارۋاشىلىق جارمەڭكەلەرى ۇيىمداستىرىلىپ، بەلسەندى وتكىزىلىپ كەلەدى.

اتالمىش شارانىڭ نەگىزگى ماقساتى دا ايقىن – شاھارداعى ازىق-تۇلىكتەردىڭ نارىق باعاسىن تۇراقتاندىرۋ بولىپ تابىلادى.

abai.kz

0 پىكىر