ەل تاۋەلسىزدىگىنىڭ 25 جىلدىعىنا ارنالعان ايتۋلى ءىس-شارا اقشەڭگەلدى اۋىلدىق وكرۋگىندە ءوتتى. «باق قونعان، قۇت دارىعان  - اۋىلىم» تاقىرىبىمەن وتكەن مەرەكەلىك شاراعا قاتىسقان تۇرعىندار اۋىلشارۋاشىلىعى ونىمدەرىنىڭ كورمەسىن تاماشالادى. اۋىلداعى مادەنيەت ءۇيىنىڭ فوەسىندە «اق التىن» جانە «ەگىزقۇم» جالپى ورتا مەكتەپتەرى مەن «دينارا» جانە «قارلىعاش» بالاباقشا ۇجىمدارى دايىنداعىن قولونەر، سالت-ءداستۇر، قىلقالام، كىتاپ كورمەلەرى قويىلدى.

مەرەكەلىك ءىس-شارا اۋىل جاستارىنىڭ فلەشموبىمەن باستالدى. ءىس-شاراعا ارنايى قاتىسقان اۋدان اكىمى ارمان ابدۋللاەۆ اۋىل تۇرعىندارىن تاۋەلسىزدىكتىڭ 25 جىلدىق مەرەكەسىمەن قۇتتىقتادى.

قۇرمەتتى جەرلەستەر! ەلباسىمىز نۇرسۇلتان ءابىشۇلىنىڭ سارا جولىمەن ءجۇرىپ كەلە جاتقانىمىزعا 25 جىل تولىپ وتىر. وسى كەزەڭدەردەگى ەلەۋمەتتىك-ەكونوميكالىق جاعدايلاردىڭ بارلىعىن دا كوز الدىمىزدان وتكەردىك. بۇگىنگى تاڭدا دامىعان ەلدەردىڭ قاتارىنان كورىنۋگە نىق قادام جاساپ كەلە جاتقان قازاقستاندى بۇكىل الەم تانىپ، مويىنداپ وتىر. ەل تاۋەلسىزدىگىنىڭ 25 جىلدىعىنا ارناپ جاساپ جاتقان مەرەكەلەرىڭىزگە قۇتتى بولسىن ايتامىن، - دەدى ارمان ايدارۇلى.

اۋدان باسشىلارى مۇنان كەيىن اۋىلشارۋاشىلىعى كورمەسىن ارالادى. اقشەڭگەلدى اۋىلى مالشىلىقپەن پەن ديقانشىلىقتى قاتار يگەرىپ كەلە جاتقان بەرەكەلى اۋىل. اسىرەسە، اۋىل ديقاندارى ءونىمنىڭ بارلىق ءتۇرىن ەگۋمەن اينالىسىپ، ناپاقاسىن جەر-انادان ايىرىپ كەلەدى. بەرەكەلى اۋىلدىڭ مولشىلىعى كورمەدەن دە كورىنىس تاپتى. شارۋا قوجالىقتار تاۋەلسىزدىكتىڭ  25 جىلدىعىنا اۋىلشارۋاشىلىعى ونىمدەرىنىڭ 25 ءتۇرىن شىعارىپ، كورمەگە ۇسىندى. «راحىم»  شارۋا قوجالىعىنىڭ ءتورايىمى امانكۇل نايمانباي ينتەنسيۆتى باق رەتىندە وتىرعىزعان الماسى مەن ايۆاسىن اكەلگەن ەكەن. باعبان كەلىنشەك:

5 گەكتار القاپقا جەمىس اعاشتارىن وتىرعىزعان ەدىك، ەندى ءونىمىن الىپ جاتىرمىز. جاز بويى الما ونىمدەرىن اۋىل اراسىنا قول جەتىمدى باعامەن وتكىزدىك. المامىز ءالى جاس، الداعى ۋاقىتتا ءونىم كولەمى ارتا تۇسەدى دەپ وتىرمىز. ءونىمدى وتكىزۋدە ەشقانداي پروبلەما جوق، حالىق ءتاتتى المانى جاقسى الىپ جاتىر، - دەپ اۋدان باسشىسىن قوجالىقتىڭ جاي-كۇيىمەن تانىستىرىپ ءوتتى.

بۇل جاقسى بولىپ قالدى. وزىمىزدە وندىرىلگەن، قوسپاسىز، تازا المانى توي-تومالاققا ەشقايدا سابىلماي-اق اۋىلدان الىپ جاتىرمىز، - دەستى كورمەگە كەلگەن جۇرتشىلىق.

اۋدان باسشىلارى مۇنان باسقا دا كورمەگە قويىلعان «التىنبەك» قوجالىعىنىڭ الماسىن، ء«تاجىحان» شارۋاشىلىعىنىڭ قىرىقپا قاۋىنىن، «سالىقباي» شارۋاشىلىعى وندىرگەن ءجۇزىم، جەرجاڭعاق  داقىلدارىن، «ورال» شارۋاشىلىعىنىڭ قارا داربىزىن، «بەيبىت» شارۋاشىلىعىنىڭ ءسابىز، ماش، پىستە، پياز ونىمدەرىن، «جاندوس» شارۋا قوجالىعىنىڭ قىزىناق، قيار، بولگار بۇرىشى كوكونىستەرىن، «شاپاعات» شارۋاشىلىعى وندىرگەن بيداي مەن جۇگەرىسىن تاماشالادى. سونىمەن بىرگە، شىمقالاداعى «مۇزتاۋ» ءدامحاناسى اتتاي قالاپ الىپ وتىرعان «اقىلگەك» قوجالىعى دايىنداعان تۇيە قىمىرانىنا دا جۇرتشىلىق كوڭىل اۋدارىپ قاراپ، ءدام اۋىز ءتيدى. اۋىل تۇرعىندارى شىعارعان قولدىڭ قۇرتى مەن سارى مايى دا، قىمىزى مەن قايماعى كورمەنىڭ ءسانىن اشا ءتۇستى دەسەك بولعانداي.

مادەنيەت سارايىندا اۋىلدىڭ ەلەۋمەتتىك-ەكونوميكالىق دامۋىنا اتسالىسىپ جۇرگەن مەملەكەتتىك قىزمەتشىلەر مەن قوعامدىق جۇمىستاردىڭ ورتاسىندا جاستارعا ءتالىمدى تاربيە بەرىپ جۇرگەن اۋىل بيلەرىنە، كاسىپكەر ازاماتتارعا، ۇزدىك مۇعالىمدەر مەن دارىگەرلەرگە اۋدان اكىمىنىڭ ماراپاتتارى تابىس ەتىلدى.

اۋدان اكىمى ارمان ابدۋللاەۆ پەن اۋىل اكىمى ورداباي ساحوۆ ءبىراز جىلدان بەرى توسەك تارتىپ جاتقان مىرزاحمەت قاسىموۆتىڭ شاڭىراعىنا ات باسىن بۇرىپ باردى. تاۋەلسىزدىك العان العاشقى قيىن كەزدەردە اۋىل اكىمى بولىپ 7 جىل قىزمەت اتقارعان ەل اعاسىنىڭ كوڭىلىن سۇراپ، اڭگىمە-دۇكەن  قۇردى. تاۋەلسىزدىكتىڭ 25 جىلدىق مەرەكەسىمەن جانە قارتتار كۇنىمەن قۇتتىقتاپ، ازىق-تۇلىك سەبەتىن تابىس ەتتى.   

اۋدان باسشىسى مۇنان كەيىن اۋىل اقساقالدارىمەن دوڭگەلەك ۇستەل وتكىزدى. جيىن بارىسىندا اۋىلدىڭ تىنىس-تىرشىلىگى، بەرەكە-بىرلىگى جونىندە كەلەلى اڭگىمەلەر ايتىلىپ، ازاماتتار وي-پىكىرلەرىمەن ءبولىستى.

Abai.kz