قازاقستان رەسپۋبليكاسى مادەنيەت جانە سپورت مينيسترلىگى تىلدەردى دامىتۋ جانە قوعامدىق-ساياسي جۇمىس كوميتەتىنىڭ تاپسىرىسىمەن              «ش.شاياحمەتوۆ اتىنداعى تىلدەردى دامىتۋدىڭ رەسپۋبليكالىق ۇيلەستىرۋ-ادىستەمەلىك ورتالىعى» رمكق «قازاقستان  رەسپۋبليكاسىندا تىلدەردى دامىتۋ مەن قولدانۋدىڭ  2011-2020 جىلدارعا ارنالعان مەملەكەتتىك باعدارلاماسى» اياسىندا  ورىس ءتىلى بىلگىرلەرىنىڭ VIII رەسپۋبليكالىق «وي-سانا» بايقاۋىن وتكىزدى.

بايقاۋدىڭ ماقساتى – قازاق تىلىندە وقيتىن جاستاردىڭ اراسىندا ورىس ءتىلىن وقۋعا دەگەن قۇلشىنىسىن ارتتىرۋ، ريتوريكالىق داعدىلارىن دامىتۋ، سويلەۋ مادەنيەتىنىڭ دەڭگەيىن كوتەرۋ، ورىس ءتىلىن ەركىن مەڭگەرگەن دارىندى جاستاردى ناسيحاتتاۋ جانە ولارعا قولداۋ كورسەتۋ.

بايقاۋعا وبلىستىق جانە قالالىق ىرىكتەۋ كەزەڭدەرىنىڭ جەڭىمپازدارى بولعان، 18-22 جاس ارالىعىنداعى جوعارعى وقۋ ورىندارىنىڭ ستۋدەنتتەرى، جالپى ءبىلىم بەرۋ مەكەمەلەرىندە، ورتا جانە ورتا ارناۋلى وقۋ ورىندارىندا قازاق تىلىندە ءبىلىم الاتىن جاستار قاتىستى.

بايقاۋدىڭ ءۇش شارتى (ەسسە جازۋ، جاڭىلتپاش وقۋ جانە ديالوگ قۇراستىرۋ، ءوز ونەرىن كورسەتۋ ) بويىنشا سايىسقا تۇسكەن قاتىسۋشىلار ءبىلىمى مەن بىلىگىن وسى نەگىزگى كەزەڭدەردە تانىتىپ، جۇلدەلى ورىندارعا قول جەتكىزدى.

 شىعىس قازاقستان وبلىسىنان كەلگەن قاتىسۋشىمىز كايردينوۆا ايدا قايرولداقىزى ءوزىنىڭ ورىس ءتىلىن جەتىك مەڭگەرگەندىگىن بايقاۋ بارىسىندا تانىتىپ، ورىس ءتىلىنىڭ بىلگىرى اتانىپ، باس جۇلدەنى (150 000 تەڭگە) قانجىعاسىنا بايلادى.

قوستانايلىق دەمەسىنوۆ نۇرجان الماتۇلى جۇلدەلى 1-ورىندى  (120 000 تەڭگە), استانا قالاسىنان قاتىسقان جۇماعاليەۆا مادينا ماراتقىزى جۇلدەلى 2-ورىندى (100 000 تەڭگە), سولتۇستىك قازاقستان وبلىسىنان كەلگەن قاپباسوۆا دانا بولاتقىزى جۇلدەلى 3-ورىندى (70 000 تەڭگە) يەلەندى.

ىنتالاندىرۋ سى يلىعى (35 000 تەڭگە) 4 قاتىسۋشىعا بەرىلدى. اسانباەۆا ەلدانا باقىتقىزى (پاۆلودار وبلىسى), نۇرمۇحامبەتوۆ ارمان نۇرلانۇلى (اقمولا وبلىسى), سەنكيباەۆا ءمادينا قايراتقىزى (قاراعاندى وبلىسى), ەلشىبەكوۆا گۇلنۇر امانتايقىزىنا (اقتوبە وبلىسى) ىنتالاندىرۋ سىيلىعى بۇيىردى.

 Abai.kz