بىرىككەن اراب امىرلىكتەرىنىڭ كاسىپكەرلەرىمەن بىرگە ەت ونىمدەرىن وڭدەيتىن ونەركاسىپ اشۋعا كىرىسكەن بايدىبەك اۋدانى ەندى  يران يسلام رەسپۋبليكاسىنان كەلگەن ينۆەستورلارمەن دە بىرىگىپ جۇمىس ىستەپ جاتىر. بۇل تۋرالى Abai.kz اقپارات پورتالىنىڭ ءتىلشىسى حابارلايدى. بۇل ماسەلە الدىمەن وڭتۇستىك قازاقستان وبلىسىنىڭ اكىمى مەن يران يسلام رەسپۋبليكاسىنان كەلگەن ينۆەستورلاردىڭ اراسىندا تالقىعا سالىندى.

كەزدەسۋدە تاراپتار وڭتۇستىك قازاقستان وبلىسى، بايدىبەك اۋدانىندا جىلدىق قۋاتتىلىعى 5 مىڭ توننانى قۇرايتىن ءىرى قاراعا ارنالعان مال سويۋ تسەحىنىڭ قۇرىلىسىن تالقىلاپ الدى. ەت كومبيناتى بولاشاقتا ەتتى مۇزداتىپ، اۋاسىز قالتاشادا شىعارۋدى جوسپارلاپ وتىر. جالپى قۇنى 6 300 000 مىڭ تەڭگەنى قۇرايتىن جوبانى ازىرلەۋ مەن جۇزەگە اسىرۋ جۇمىستارى 2016 جىلى تولىق اياقتالماق. ايتا كەتەيىك، قۇنى 573 866 مىڭ بولاتىن قۇرىلعىلاردى ينۆەستورلار وتاندىق كومپانيادان ساتىپ الماق. نىساننىڭ قۇرىلىسى بىتكەن سوڭ مۇندا 196 جۇمىس ورنى اشىلادى دەپ كۇتىلۋدە. شىعارىلعان ونىمدەر قازاقستاننىڭ ىشكى نارىعىندا ساۋدالانىپ، يران مەن بىرىككەن اراب امىرلىگىنە ەكسپورتتالاتىن بولادى. سونىمەن قاتار، تاراپتار، جيىن بارىسىندا اۋىل شارۋاشىلىعى سالاسىندا ءوزارا ىنتىماقتاستىق جونىندە ۋاعدالاستى. يراندىق ينۆەستورلار بايدىبەك اۋدانىنداعى كاسىپكەرلىكتىڭ مۇمكىندىگى ۇلكەن ەكەندىگىنە سەنىمدى.

اباي-اقپارات