وڭتۇستىك قازاقستاننىڭ تولە بي اۋدانىندا گوللانديادان اكەلىنگەن روزالار مەن پالما وسىمدىگى الدىمەن جىلىجايدا ءوسىرىپ، كەيىن اشىق توپىراققا وتىرعىزىلادى. وسىنداي ەرەكشە وسىمدىكتەر ووسىرۋمەن اينالىساتىن شارۋاشىلقتى مەملەكەت سۋبسيديا بەرۋ ارقىلى قولداپ وتىر.

2014 جىلى «جول كارتاسى -2020» باعدارلاماسىنا سايكەس جىلىجايعا تابيعي گاز جۇرگىزىلىپ، جولدارى جوندەلدى. وسى جۇمىستارعا بارلىعى 110 ميلليون تەڭگە قارجى جۇمسالعان ەكەن. وسىدان كەيىن جىلىجايدىڭ اۋماعى ءتىپتى ۇلعايتىلىپ، وندا باسقا دا جەمىس-جيدەكتەر وتىرعىزىلا باستادى. جىلىجايدىڭ ءبىر بولىگىندە جىل ون ەكى اي ساڭىراۋقۇلاقتىڭ ءتۇر-ءتۇرى ءونىم بەرەدى. مۇندا تەك ەكولوگيالىق تازا ونىمدەر وندىرىلەدى. جىلىجايدان گوللانديالىق راۋشان گۇولەر ەرەكشە ورىن العان. نەگىزىنەن بۇل گۇلدەر قازاقستانعا شەتەلدەن اكەلىنەتىن. ەندى مىنە، ءوز ەلىمىزدە دە وسىرىلە باستادى. ولار سوڭعى ەكى جىلدا ءبىزدىڭ جەرىمىزگە جەرسىندى. ولار ءبىر قاراعاندا قاراپايىم راۋشان گۇلدەر سەكىلدى كورىنەدى. الايدا كۇشش مەزگىلىندە ولاردىڭ بۇتاقتارى كەسىلگەن سوڭ گۇلدەرى ءتىپتى تاماشا، ادەمى بولا تۇسەدى. سونداي-اق جىلىجايدا ليمون، پالدا اعاشتارى دا وسىرىلەدى. مامانداردىڭ ايتۋىنشا پالما اعاشى وڭتۇستىكىڭ توپىاعىنا تەز جەرسىنىپتى. قازىر پالما اعاشى جەرگىلىكتى تۇرعىنداردىڭ اۋلاسىندا دا ءوسىپ تۇر. جىلىجاي باسشىسى مۇقتار وسەربايدىڭ ايتۋىنشا، جىلىنا 1 گەكتار جەرگە 5 ميلليون سۋبسيديانى مەملەكەت بەرەدى ەكەن. جىلىجايدىڭ اۋماعى 5 گەكتار. سونداي-اق مۇندا الما، المۇرت، ايۆا سەكىلدى جەمىس اعاشتارى، دەكوراتيۆتى كوگىلدىر شىرشا، ارشا، قايىڭ سەكىلدى اعاشتار دا جايقالىپ تۇر. الداعى ۋاقىتتا شارۋاشىلىق جۇزىمدىكتەر وتىرعىزۋدى، تاعى بىرنەشە جىلىجاي سالۋدى جوسپارلاپ وتىر.

اباي-اقپارات