وڭتۇستىك قازاقستان وبلىسىنىڭ تۇرعىنى اسقار تولەشوۆ الما باعىن ءوسىرۋدى وسىدان 13 جىل بۇرىن قولعا العان. باعبان ەڭ العاشقى مول ءونىمدى باق وتىرعان سوڭ 10 جىلدان كەيىن الدى. ويتكەنى الما باقتارى تولىققاندى ءونىم بەرۋى ءۇشىن ءبىرشاما ۋاقىت كەرەك. 

ون جىل بويى اسقاردىڭ ەڭبەك ەتۋىنە مەملەكەت قولداۋ ءبىلدىرىپ كەلدى. بۇگىندە اسقار تولەشوۆتىڭ الما باعىندا 150 مىڭ ءتۇپ الما بار. ءار تۇپتەن ءبىر تسەنتنەرگە دەيىن جەمىس جينالادى ەكەن. وسى اعاشتاردىڭ الماسىن كۇزدە بۇكىل اۋىل بولىپ جينايدى. بۇل باعباننىڭ ماڭداي تەرىمەن ەتكەن ەڭبەگىنىڭ جەمىسى. ول مەملەكەتتەن سۋبسيديالار مەن جەڭىلدەتىلگەن نەسيەلەر الىپ الما باقتى وسىنداي دارەجەگە جەتكىزگەن. «مەمەلكەتتەن ءار گەكتارعا 600 مىڭداي سۋبسيديا الدىم. بۇل ءبىزدىڭ شىعىنىمىزدىڭ 50 پايىزىن جابادى جانە كەلەسى جىلعا باق كۇتىمىنە دە جەڭىلدىكتەر بەرەدى»، - دەيدى باعبان.

وسىدان 15 جىلداي بۇرىن اسقار مۇنداي باق وسىرەمىن دەپ ويلماعاندا دا بولاتىن. الايدا وزىنە جەمىس ساقتايتىن قويمانى ساتىپ الۋعا ۇسىنىس جاسالعاندا ول بىردەن كەلىسىپ، قويمانى ساتىپ العان. وسىدان كەيىن ءوزى دە الما ءوسىرۋدى قولعا الماق بولادى. تاۋبوكتەرىندەگى جەرگە الما كوشەتتەرىن وتىرعىزدى. وسىدان بىرنەشە جىل بۇرىن باعبان قىسقا 2000 تونناداي الما ساقتايتىن، قازىر بۇل كورسەتكىش ەكى ەسەگە ءوستى. بولاشاقتا المانى وڭدەيتىن تسەح اشۋ دا جوسپاردا بار كورىنەدى. وندا الما قاعى مەن شىرىنىن وندىرمەك. اۋىل تۇرعىندارى اسقاردىڭ باعىنا وتباسىلارىمەن كەلىپ الما تەرەدى. تۇرعىنداردىڭ قانشا الما جيناعانىنا قاراي اقى تولەنەدى.

اباي-اقپارات