بۇل تۋرالى وقو ايماقتىق كوممۋنيكاتسيالار قىزمەتىندە وتكەن بريفينگتە «وڭتۇستىك» ايو توراعاسى ارمان داناەۆ مالىمدەدى.

ونىڭ ايتۋىنشا، جالپى سوماسى 5 429,9 ملن. تەڭگە بولاتىن 4 114 ازامات جۇمىس ورنى اشىلاتىن 1 608 جوبا قارجىلاندىرىلدى. اتالعان جوبالار ىسكە قوسىلعان ۋاقىتتا جىل سايىن 23 ملرد. تەڭگەنىڭ ءونىمى وندىرىلەدى دەپ جوسپارلانۋدا. ولار اۋىلشارۋاشىلىعى ونىمدەرى، تراكتور، جيھاز، قۇرىلىس زاتتارى جانە ت.ب.

ياعني، ورتالىق يندۋستريالاندىرۋ كارتاسىنا ەنگەن 6 جوبا، مال شارۋاشىلىعىن دامىتۋ باعىتىندا 661, كوكتەمگى دالا جۇمىستارى بويىنشا 839, ينتەنسيۆتى باۋ شارۋاشىلىعى بويىنشا 2 جوبا، ال اۋىلشارۋاشىلىق ونىمدەرىن قايتا وڭدەۋ سالاسى بويىنشا 3 جوبا جانە باسقا دا باعىتتاردا 97 جوباعا قارجىلاي قولداۋ كورسەتكەن.

«جالپى 2009-2016 جىلدارى «وڭتۇستىك» ايماقتىق ينۆەستيتسيالىق ورتالىعى مەن ەنشىلەس «ىرىس» ميكروقارجى ۇيىمى بىرلەسە وتىرىپ جالپى قۇنى 41 889 ملن. تەڭگەنى قۇرايتىن 13 921 جوبانى قارجىلاندىردى. ناتيجەسىندە 36 419 جاڭا جۇمىس ورىندارى اشىلدى.

2016 جىلى ورتالىق قارجىلاندىرعان جوبالارىنىڭ اۋدان، قالا كەسىندىسى بويىنشا قازىرگى تاڭدا ورداباسى اۋدانى ەڭ جوعارعى كورسەتكىشپەن تىركەلىپ وتىر. ياعني بيىل اتالعان اۋداندا 1 214,0 ملن. تەڭگەگە 126 جوبا نەسيەلەندىرىلگەن.

سونداي-اق، كومپانيا باسشىلىعى الداعى جىلعا ءوز الدىنا بىرقاتار مىندەتتەمەلەر مەن جوسپارلار قويىپ وتىرعاندىعىن ءمالىم ەتتى. ايتىلعان دەرەكتەر بويىنشا، ورتالىق قوسىمشا ەكى جاڭا باعدارلاما ازىرلەپ ۇسىنۋدى جوسپارلاۋدا. ولار اۋىلشارۋاشىلىق ونىمدەرىن وڭدەۋ جانە بيزنەس ينكۋباتور باعدارلامالارى. وعان قوسا ەڭبەك ونىمدىلىگىنىڭ ساپاسىن ارتتىرۋ ماقساتىندا e-stable ەلەكتروندى پلاتفورماسىن ەندىرۋ.

سونىمەن قاتار، كومپانيا جۇمىسىنىڭ تراسپارەنتتىلىگىن ارتتىرۋ ماقساتىندا  ەلەكتروندى قۇجات اينالىمى جۇيەسىن ەندىرۋ سياقتى ءبىرشاما جوسپارلارى بار.

Abai.kz