بۇگىن وڭتۇستىك قازاقستاندا ەل تاۋەلسىزدىگىنىڭ 25 جىلدىعىنا وراي، «وڭتۇستىك جولدارى» مەملەكەتتىك كوممۋنالدىق كاسىپورىنىنا 25 بىرلىك ارنايى تەحنيكا تابىستالدى. شارانىڭ سالتاناتتى اشىلۋ راسىمىنە قاتىسقان وبلىس اكىمى جانسەيىت تۇيمەباەۆ بەرىلگەن تەحنيكالارمەن ايماقتاعى اۆتوجولداردى كۇتىپ ۇستاۋ جۇمىستارىن دەر كەزىندە ورىنداپ، قاۋىپسىزدىكتى قامتاماسىز ەتۋ ساپاسىنىڭ جاقساراتىنىنا سەنىم ءبىلدىردى. 

بۇل تۋرالى «Abai.kz» پورتالى وڭتۇستىك قازاقستان وبلىسى اكىمىنىڭ ءباسپاسوز قىزمەتىنە سىلتەمە جاساي وتىرىپ حابارلايدى.
اتاپ ايتقاندا، بۇل كۇنى 2 بىرلىك اۆتوگرەيدەر، 1 بىرلىك «ۋرال» قار تازالاعىش شنەكوروتورى، اسپالى قوسالقى جابدىقتارىمەن 4 بىرلىك متز-82 تراكتورى، 2 بىرلىك «كاماز» جۇك كولىگى، 13 بىرلىك «گازەل» ماركالى جول جوندەۋ قىزمەتىنىڭ جۇك كولىگى، 1 بىرلىك جول تاڭبالاۋ كولىگى (رازمەتوچنايا ماشينا «گازەل»), 1 بىرلىك NISSAN TەRANO (قىزمەتتىك كولىك) جانە 1 بىرلىك نيۆا - 21214 قىزمەتتىك كولىكتەرى بەرىلدى. 
جاڭا تەحنيكالاردى ارالاپ كورگەن وقو اكىمى جانسەيىت تۇيمەباەۆ وڭىرىمىزدەگى بارلىق اۋداندارعا بەرىلەتىن تەحنيكانى قولدانۋدا، اسىرەسە، قىسقى مەرزىمدە قاۋىپتى سانالاتىن قازىعۇرت اۋدانى، بايدىبەك اۋدانى، سوزاق اۋدانى، تۇلكىباس اۋدانىنداعى اسۋلاردى ۇنەمى نازاردا ۇستاپ، قاردان تازارتىپ وتىرۋدى تاپسىردى.

اباي-اقپارات