باقىتجان ساعىنتاەۆتىڭ مينيسترلەر كابينەتى قازاقستاندا جۇمىسسىز ازاماتتاردى ناتيجەلى جۇمىسپەن قامتۋعا جانە جاپپاي كاسىپكەرلىكتى دامىتۋعا تارتۋدىڭ جاڭا تەتىكتەرىن قاراستىرۋدا، - دەپ حابارلايدى تengrinews.kzء تىلشىسى پرەمەر-ءمينيستردىڭ سايتىنا سىلتەمە جاساپ. 
 
دەنساۋلىق ساقتاۋ جانە الەۋمەتتىك دامۋ ءمينيسترى تامارا دۇيسەنوۆا قر ۇكىمەتى وتىرىسى بارىسىندا جاڭا باعدارلامانىڭ نەگىزگى ماقساتى - ءوزىن-ءوزى جۇمىسپەن قامتىعانداردى، جۇمىسسىزداردى جانە وزگە دە بىلىكتىلىگى جوق تۇلعالاردى ءونىمدى جۇمىسقا تارتۋ ەكەنىن باياندادى. وعان قوسا، جاپپاي وقىتۋ جانە سۇرانىسقا يە ماماندىقتار مەن كاسىپكەرلىك نەگىزدەرى بويىنشا داعدىلاندىرۋ، جاپپاي كاسىپكەرلىككە جاعداي جاساۋ، ەڭبەكپەن قامتۋعا جاردەمدەسۋ جانە ەڭبەك ۇتقىرلىعىن قولداۋ ارقىلى ەڭبەك نارىعىن دامىتۋ قاراستىرىلۋدا.

جاڭا باعدارلاما 15 پەن 45 جاس ارالىعىنداعى ايىنا 60 مىڭنان تومەن تابىس تاباتىن ءوزىن-ءوزى جۇمىسپەن قامتىعاندارعا، جۇمىسسىزدارعا جانە كاسىپتىك بىلىكتىلىگى جوق تۇلعالارعا جۇمىس تابۋعا نەمەسە جاڭا ماماندىقتى مەڭگەرۋگە كومەكتەسەدى. قولداۋ شارالارىمەن 550 مىڭعا جۋىق ادام قامتىلادى دەپ كۇتىلۋدە، ولاردىڭ 84% اۋىل تۇرعىندارى.

ەسكە سالايىق، مەملەكەت باسشىسى نۇرسۇلتان نازارباەۆتىڭ تاپسىرماسىمەن قر ۇكىمەتى ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋدىڭ جاڭا باعدارلاماسىن ازىرلەدى. باعدارلامانىڭ ماقساتى ناتيجەلى جۇمىسپەن قامتۋعا جاعداي جاساۋ ارقىلى حالىققا ءوز تابىستارىن ارتتىرۋعا مۇمكىندىك بەرۋ بولىپ تابىلادى.  

ناتيجەلى جۇمىسپەن قامتۋ، بۇل - ەڭبەككەرلەرگە تابىس اكەلەتىن شىنايى، لايىقتى ءومىر ءسۇرۋدى قامتاماسىز ەتەتىن جۇمىس ءتۇرى. 

Abai.kz