جەكسەنبى, 9 تامىز 2020
COVID-19 قازاقستاندا. جۇقتىرعاندار — 97829. جازىلعاندار — 71609. قايتىس بولعاندار — 1058
جاڭالىقتار 2296 0 پىكىر 15 ناۋرىز, 2017 ساعات 09:17

قىتاي استاناعا سوتتالعان ءۇش ازاماتتى قايتاردى

قىتاي استاناعا قىتايلىق تۇرمەلەردە جازاسىن وتەپ شىققان ءۇش قازاقستاندىقتى قايتاردى، دەپ حابارلادى قازاقستاننىڭ سىرتقى ىستەر مينيسترلىگى. ولاردىڭ كىمدەر ەكەنى، ءارى قارايعى تاعدىرى تۋرالى ەشتەمە بەلگىسىز.

حابارلارعا قاراعاندا، جاقىن كۇندەرى قىتاي تاعى ءۇش قازاقستاندىقتى قايتارىپ بەرۋ ماسەلەسىن قارايدى. مينيسترلىك مالىمەتى بويىنشا، قازىرگى تاڭدا قىتاي تۇرمەلەرىندە توعىز قازاقستاندىق ازامات وتىر.

قازاقستاننىڭ سىرتقى ىستەر مينيسترلىگىنىڭ حابارلاۋىنشا، ءۇش ازاماتتى قايتارۋ تۋرالى كەلىسىم قازاقستاننىڭ قىتايداعى ەلشىسى شاحرات نۇرىشەۆتىڭ وسى ايدىڭ باسىندا قىتاي ادىلەت ءمينيسترىنىڭ ورىنباسارى ليۋ چجيتسيانمەن كەزدەسۋىندە جاسالدى.

ەكى ەل اراسىندا سوتتالعان ازاماتتاردى الماسۋ تۋرالى كەلىسىم بار. بۇعان دەيىن سوتتالعان ازاماتتار بىرنەشە مارتە قىتايعا قايتارىلعان ەدى.

اباي-اقپارات

0 پىكىر