قىرعىزستاننىڭ سىرتقى ىستەر مينيسترلىگى پرەزيدەنت المازبەك اتامباەۆتىڭ قازاقستان تۋرالى قياس پىكىرىنە جاۋاپ بەردى.

ەكى ەلدىڭ پرەزيدەنتتەرى باستاعان جۇمىستاردى ءارى قاراي كونسترۋكتيۆتى تۇردە جۇرگىزۋ ءۇشىن بۇل ماسەلەنى جىلى-جاۋىپ قويۋدى سۇراپتى.

قىرعىز رەسپۋبليكاسى سىرتقى ىستەر ءمينيسترىنىڭ ءبىرىنشى ورىنباسارى دينارا كەمەلوۆا قازاقستان رەسپۋبليكاسىنىڭ قىرعىز رەسپۋبليكاسىنداعى توتەنشە جانە وكىلەتتى ەلشىسىمەن كەزدەسكەن. ول جەردە ءدال وسى پرەزيدەنت اتامباەۆ مىرزانىڭ «Euronews» ارناسىنا بەرگەن سۇحباتى ءسوز بولعان.

«الايدا، بۇدان ءارى كونسترۋكتيۆتى ءوزارا ءىس-قيمىل ورناتۋ  ءۇشىن بۇل ماسەلەنى جاۋىپ، ەكى ەلدىڭ مەملەكەت باسشىلارى قويعان مىندەتتەردى ورىنداۋعا كىرىسۋ كەرەك»، – دەيدى د.كەمەلوۆا. 

ايتا كەتەيىك، قىرعىز رەسپۋبليكاسىنىڭ پرەزيدەنتى الماسبەك اتامباەۆ وتكەن اپتادا ەۋروپا ەلدەرىن ارالاپ، «Euronews» ارناسىنا سۇحبات بەرگەن بولاتىن. سۇحبات بارىسىندا قىرعىز ەلىنىڭ باسىشىسى ەۋرازيالىق ەكونوميكالىق وداق تۋرالى ايتا كەلىپ، «اتالعان وداققا كىرمەسەك ءبىز قورشاۋدا قالاتىن ءتۇرىمىز بار»، -  دەدى.

«2010 جىلى، - دەدى قىرعىز پرەزيدەنتى، - قازاقستان بىزگە 1,5 اي ەكونوميكالىق بلوكادا قويىپ ەدى، ارادا ءتىپتى ادام ءولىمى بولدى».

كورشى ەلدەر اراسىندا بارىس-كەلىس، ساۋدا-ساتتىق بولىپ تۇرۋى كەرەك. وسى جايتتى اڭعارتقان اتامباەۆ ەاوە-عا مۇشەلىككە وتۋگە اسا ءزارۋ بولىپ وتىرعانىن ءبىلدىردى.

ال، بۇگىن قازاقستاننىڭ سىرتقى ىستەر ۆەدموستۆوسى اتامباەۆتىڭ سوزىنە بايلانىستى كەيىستىك تانىتتى.

ء«بىز قىرعىزستان پرەزيدەنتىنىڭ سوزىنە نازار اۋدارىپ وتىرمىز جانە قىرعىز تاراپىنان تۇسىنىك بەرىلۋىن كۇتەمىز»، - دەلىنگەن قر سىرتقى ىستەر مينيسترلىگىنىڭ ءباسپاسوز مالىمدەمەسىندە.

اباي اقپارات