رەداكتسيادان: جاقىندا "Abai.kz" اقپاراتتىق پورتالىندا  «ەڭبەكشىقازاق اۋدانى مەملەكەتتىك تىلگە نەگە ەنجار قارايدى؟» اتتى ماقالا جارىق كورگەن. اتالعان ماقالاعا قاتىستى بۇگىن رەداكتسيامىزعا الماتى وبلىسى، ەڭبەكشىقازاق اۋدانى اكىمىنىڭ ورىنباسارى ايبەك دۇيسەمبەكۇلىنىڭ ءباسپاسوز حاتشىسى حابارلاسىپ، كەمەل وتىزبايدىڭ ماقالاسىنا قاتىستى رەسمي جاۋاپ رەتىندە حات جولدادى.  

اباي.كز سايتىنداعى

«ەڭبەكشىقازاق اۋدانى

مەملەكەتتىك تىلگە

نەگە ەنجار قارايدى؟»

دەگەن ماقالانىڭ

اۆتورى

كەمەل وتىزبايعا

قۇرمەتتى كەمەل وتىزباي!

2017 جىلعا دەيىن  ەڭبەكشىقازاق اۋدانىندا مادەنيەت جانە تىلدەردى دامىتۋ ءبولىمى جەكە ءبولىم رەتىندە جۇمىس اتقارعان بولاتىن.

300 مىڭعا جۋىق حالقى بار اۋدان ءۇشىن ءتىل ماسەلەسىنىڭ دامۋى مەن قولدانۋ اياسىن كەڭەيتۋ ماڭىزدىلىعىن ەسكەرە وتىرا، سونىمەن قاتار، اتالعان بولىمدە ءتىلدى دامىتۋ جۇمىسىن ءبىر ماماننىڭ جۇرگىزۋى ءتيىمسىز بولۋىنا بايلانىستى، اۋداندىق ءبىلىم ءبولىمى مەن اۋداندىق مادەنيەت جانە تىلدەردى دامىتۋ ءبولىمىن بىرىكتىرۋ تۋرالى شەشىم قابىلداندى.

جاڭا قۇرىلعان بولىمدە «تىلدەردى دامىتۋ» بويىنشا شتاتتا ءۇش مامان جۇمىس ىستەيتىن سەكتور قۇرىلدى، بۇل ءبىرىنشى كەزەكتە تىلدەردى دامىتۋ باعىتىندا تۋىندايتىن بىرقاتار ماسەلەلەردىڭ وڭتايلى شەشىلۋىن قامتاماسىز ەتىپ، جۇمىسىن جۇيەلەندىرەي تۇسەدى. سونىمەن قاتار، ەكى ءبولىمنىڭ بىرىكتىرىلۋى ءتىل ماسەلەسىن مەكتەپ تابالدىرىعىنان قولعا الۋعا مۇمكىندىك بەرىپ، 50 مىڭعا جۋىق بالانى قامتىيتىن بولادى.

بىراق، سىزگە دۇرىس اقپارات بەرىلمەۋىنە بايلانىستى، ماقالا بويىنشا  قاتە پىكىر قالىپتاسىپ، وقىرمانداردىڭ «تىلدەردى دامىتۋ» جۇمىستارىنىڭ توقتاتىلۋى تۋرالى وي تۇيۋلەرىنە جول بەردى.

الايدا، بۇل شارانىڭ ماڭىزدىلىعى كادر ماسەلەسىنىڭ تيىمدىلىگىن ارتتىرۋعا باعىتتالىپ، جۇمىستىڭ وڭ ناتيجە بەرۋىنە نەگىزدەلىپ جاسالعان.

ايبەك دۇيسەمبەكۇلى

بيداەۆ 

ەڭبەكشىقازاق اۋدانى

اكىمىنىڭ ورىنباسارى  

Abai.kz