مينيسترلىكتىڭ كەڭەيتىلگەن وتىرىسىندا اباەۆ الەۋمەتتىك زەرتتەۋ ناتيجەلەرى تۋرالى ايتىپ بەردى. كورەرمەندەر تەلەارنالاردا جارنامانىڭ كوپتىگىن، جەرگىلىكتى ونىمدەردىڭ ازدىعىن، تانىمدىق باعدارلامالاردىڭ جەتىسپەۋشىلىگىن جانە قازاقستاندىق تەلەۆيدەنيەدە جۋرناليستەردىڭ كاسىبي بىلىكتىلىگىنىڭ تومەندىگىن اتاپ وتكەن.

"تەلەارنالارعا كورەرمەندەردى قىزىقتىرۋدىڭ امالىن تەرەڭ ويلانۋى قاجەت", - دەدى اباەۆ. مينيستر تولىق مەتراجدى تۋىندىلاردى كوبەيتىپ، تەلەارنا قىزمەتكەرلەرىنىڭ تيىمدىلىگىن دۇرىس باعالاۋدى، مامانداردى دۇرىس تاڭداۋعا كوڭىل ءبولۋدى ۇسىندى.

قازاقستاندىق تەلەارنالاردا "كورەتىن ەشتەمە جوقتىعىن" مينيستر اباەۆقا وتكەن جىلى پارلامەنت دەپۋاتتارى دا ايتقان ەدى. پارلامەنتتەگىلەر جەرگىلىكتى اقپارات قۇرالدارىندا ساراپتاما مەن جۋرناليستىك زەرتتەۋلەر جوق دەپ رەنجىدى. سول كەزدە اباەۆ دەپۋتاتتارعا ونىڭ مينيسترلىگى جەرگىلىكتى اقپارات قۇرالدارىنا جان بىتىرەتىن بىرقاتار مەحانيزم جاساپ شىعارعانىن مالىمدەگەن بولاتىن.