شىنىمەن دە قىزىق ەكەن
«اباي.قز» اقپاراتتىق پورتالىنىڭ استاناداعى جانىبەك پەن كەرەي حانداردىڭ ەسكەرتكىشى جايلى تالاي اڭگىمە قوزعاعانى تۋرالى قالىڭ جۇرتشىلىق حاباردار. جاقىندا ءبىراز ايقاي-شۋدان كەيىن وسى ەسكەرتكىش اشىلعاندا «نە دە بولسا ادىلەتتىلىك ورناعان شىعار، بۇگىنگىسىنە دە تاۋبە» دەپ قالعانبىز.
الايدا، كۇندەلىكتى ادەتىمىزبەن قازاق گازەتتەرىنىڭ توپتاماسىن الىپ، رەداكتسياعا كەلگەندە كوزىمىز دەمالىستان ەندى شىققان «قازاقستان» اپتالىعىنىڭ ءبىرىنشى بەتىنە ءتۇستى. وندا عالىم قايىرجاننىڭ «ءبىر باسقا ەكى باس كيىم از با، كوپ پە؟» دەگەن اتىشۋلى ەسكەرتكىشكە ارنالعان ماقالاسى جاريالانىپتى. اۆتور ەسكەرتكىشتەگى جانىبەك بابامىزدىڭ ءمۇسىنىنىڭ باسىندا قالپاق، قولىندا دۋلىعا تۇرعانىن بايقاپ قالىپتى. باياعى كەڭەس زامانىندا لەنيننىڭ وسىنداي ەسكەرتكىشتەرى بار ەكەن دەپ كۇلۋشى ەدىك. باتىر بابالارىمىزدىڭ ەسكەرتكىشىنە قاراپ «قاپ، اتتەگەن-اي» دەگەننەن باسقا لاجىمىز قالمادى. شىنىمەن دە قىزىق ەكەن...
«اباي-اقپارات»
عالىم قايىرجان. ءبىر باسقا ەكى باس كيىم از با، كوپ پە؟!
«اباي.قز» اقپاراتتىق پورتالىنىڭ استاناداعى جانىبەك پەن كەرەي حانداردىڭ ەسكەرتكىشى جايلى تالاي اڭگىمە قوزعاعانى تۋرالى قالىڭ جۇرتشىلىق حاباردار. جاقىندا ءبىراز ايقاي-شۋدان كەيىن وسى ەسكەرتكىش اشىلعاندا «نە دە بولسا ادىلەتتىلىك ورناعان شىعار، بۇگىنگىسىنە دە تاۋبە» دەپ قالعانبىز.
الايدا، كۇندەلىكتى ادەتىمىزبەن قازاق گازەتتەرىنىڭ توپتاماسىن الىپ، رەداكتسياعا كەلگەندە كوزىمىز دەمالىستان ەندى شىققان «قازاقستان» اپتالىعىنىڭ ءبىرىنشى بەتىنە ءتۇستى. وندا عالىم قايىرجاننىڭ «ءبىر باسقا ەكى باس كيىم از با، كوپ پە؟» دەگەن اتىشۋلى ەسكەرتكىشكە ارنالعان ماقالاسى جاريالانىپتى. اۆتور ەسكەرتكىشتەگى جانىبەك بابامىزدىڭ ءمۇسىنىنىڭ باسىندا قالپاق، قولىندا دۋلىعا تۇرعانىن بايقاپ قالىپتى. باياعى كەڭەس زامانىندا لەنيننىڭ وسىنداي ەسكەرتكىشتەرى بار ەكەن دەپ كۇلۋشى ەدىك. باتىر بابالارىمىزدىڭ ەسكەرتكىشىنە قاراپ «قاپ، اتتەگەن-اي» دەگەننەن باسقا لاجىمىز قالمادى. شىنىمەن دە قىزىق ەكەن...
«اباي-اقپارات»
عالىم قايىرجان. ءبىر باسقا ەكى باس كيىم از با، كوپ پە؟!
اۋىز بەكىتەردىڭ الدىندا، استاناداعى دوسىم قىزىن ۇزاتىپ، تويعا باردىم. اي كورمەسەڭ اداسىپ قالاتىنداي عالامات قارقىنمەن سالىنىپ جاتقان باس قالانى ارالادىم. كوز قۋانتار كورىكتى جەرلەرىندە بولدىم. ءتاۋ ەتەيىن دەپ، التىن باستارى داۋعا اينالعان كەرەي مەن جانىبەك حانداردىڭ ەسكەرتكىشىنە كەلدىم. سۇلىق تۇرىپ قالدىم. جانىبەكتىڭ ۇستىندە كوك ساۋىت، ءبىر قولىندا نايزا، ءبىر قولىندا دۋلىعا، باسىندا ايىر قالپاق. بۇل نە؟ بەيبىتشىلىك زاماندا باسشى، ات اۋىزدىعىمەن سۋ ىشكەن كۇن تۋسا باتىر بولعاندىعىنىڭ بەلگىسى مە؟ جوق، الدە، دۋلىعاسىن شەشىپ تۇرعان بابانىڭ باسىنان كۇن ءوتىپ، مۇرىنى قاناپ قالار دەگەن «جاناشىرلىق» پا؟! قازاق مەملەكەتتىلىگىنىڭ ىرگەسىن قالاعان قوس قاھارمانعا جىلعا تاياۋ سوزىلعان ىرىڭ-جىرىڭنان كەيىن كورسەتىلگەن قوشەمەتتىڭ ءتۇرى وسى بولسا، كەلەشەكتەگىلەرىمىزگە قۇرمەت قانداي بولماق؟!
مەن سونى ويلاپ، كۇيزەلىپ قايتتىم.
«قازاقستان» اپتالىعى، №26 (317), 16.09.2010
