سارسەنبى, 20 قاراشا 2019
بىلگەنگە مارجان 2824 0 پىكىر 31 قاڭتار, 2017 ساعات 20:42

الەمدە قانشا ميللياردەر بار؟

2015 جىلى الەمدە بايلىعى 1 ملرد دوللاردان اساتىن 2,4 مىڭ ادام بولعان. بۇل تۋرالى Wealth-X ۇيىمىنىڭ ەسەبىندە كورسەتىلگەن. الەم ميللياردەرلەرىنىڭ جالپى بايلىعى وتكەن جىلى 7,7 ترلن دوللاردى قۇراعان. ميللياردەرلەر بايلىعىنىڭ جالپى كولەمى كوپتەگەن ەلدەردىڭ ءجىو-نەن جوعارى. تەك اقش پەن قىتايدىڭ ءجىو-نە عانا جەتپەيدى ەكەن.

 

بايلاردىڭ باسىم بولىگى ەۋروپادا تۇرادى. مۇندا تۇراتىن 806 ادامنىڭ دۇنيەسى ميلليارد دوللاردان اسادى. ءبىر جىلدا ەۋروپاداعى ميللياردەرلەر سانى 4% ءوسىپ، جيىنتىق قارجىسى 2,3 ترلن دوللاردى قۇراعان.  سولتۇستىك امەريكاداعى ميللياردەرلەر سانى 628, ازيادا 645, تاياۋ شىعىستا 166, افريكادا 41.   ميللياردەرلەر قاتارىنداعى ايەلدەر سانى 294. ولاردىڭ بايلىعى 876 ملرد دوللار. ميللياردەر ەرلەردىڭ ورتاشا جاسى - 63,2, ميللياردەر ايەلدەردىڭ ورتاشا جاسى - 62,2 جاس. الەمدەگى ميللياردەرلەردىڭ 85% وتباسىلى.   ميللياردەرلەردىڭ 70% باكالاۆر، 22% ماگيستر،  9,5%  عىلىم دوكتورى. ۇيىم كەلتىرگەن دەرەكتەر بويىنشا ميللياردەرلەردىڭ 56% بايلىقتى وزدەرى تاپسا، 13% مۇراعا العان. ال 31% مۇراعا العان بايلىقتارىن وزدەرى ارتتىرعان كورىنەدى. نەگىزگى تابىس كوزى ينۆەستيتسيالار مەن قارجى سەكتورى.

سايتقا ازىرلەگەن نۇرسۇلۋ نايمانوۆا.

Abai.kz

0 پىكىر