قازىرگى ۋاقىتتا ۇستاز مارتەبەسى مەن بەدەلى، ونىڭ بىلىكتىلىگى جايلى وتاندىق باق بەتتەرىندە كوپ تالقىلاناتىن ماڭىزدى تاقىرىپقا اينالدى. «ۇلت بولاشاعى - ۇرپاق دەسەك، ۇرپاقتىڭ بولاشاعى ۇستازداردىڭ قولىندا» ەكەنى قاي كەزدە دە بەلگىلى. سوندىقتان دا، كەيبىر سايتتار ۇستازدىڭ قوعامدىق ءومىرى تۋرالى جازادى، كەي ءبىرى ساباق بەرۋ ءادىسى مەن تاجىريبەسىن جازادى. ال بۇگىنگى ۇستاز تەگىن قوعامدىق جۇمىس كۇشىنە اينالدى، سەنبىلىكتەر دە، ءتۇرلى الەۋمەتتىك-كوپشىلىك جۇمىستار دا قوسالقى ماماننىڭ مىندەتىن اتقارىپ ءجۇر دەپ دابىل قاعاتىندار دا از ەمەس.

كوپتەگەن باق-ىن وقىعان كەزدە ۇستازدار ومىردەگى ەڭ تومەنگى دەڭگەيدەگى جانە قۇقى بۇزىلعان قوعام مۇشەسى رەتىندە تانىستىرىلاتىن كورەمىز. دەگەنمەن، قازىرگى زاماندا ۇستاز دەگەنىمىز كىم جانە دارەجەسى قانداي دەگەن سۇراققا ناقتى جاۋاپ بەرەتىن ۋاقىتى كەلدى.

وزىمىزدەن باستاساق، قازىرگى ورتا بۋىن وكىلدەرى، وقۋشى بولعان كەزدەرىندە اتا-انالار تاراپىنان ۇستاز مارتەبەسى تۋرالى تاربيەلىك جۇمىستار جۇرگىزىلەتىن. سەبەبى، ءبىزدىڭ اتا-انالارىمىزدىڭ نازارىندا، ۇستاز - بەدەلى بيىك جانە ومىرلىك تاجىريبەسى باي، جوعارى ساۋاتتى مامان ەدى. ۇستازدى قادىرلەۋ جانە جوعارى باعالاۋ، بولاشاق ۇرپاقتى تاربيەلەۋدە ماڭىزدى ەكەنىن اتا-انالارىمىز تۇسىنگەن ەدى.

وسىنداي تاربيە العان ءبىز ۇستازداردى قادىرلەپ، دارەجەسىن ودان ءارى كوتەرە ءتۇسۋىمىز قاجەتتى ەدى. كەرىسىنشە، ءبىز ۇستازداردى ءتيىستى دارەجەدە قادىرلەي المايتىن بولدىق. بۇعان نە سەبەپ؟ تاربيە ماسەلەسىندە ولقىلىلىق جىبەرىپ الدىق پا، الدە ۇستاز دەگەن اتقا كىر كەلتىرەتىن ۇستازدار كوبەيدى مە؟ جوق، بولماسا ۇستازدى مەنسىنبەيتىن شاكىرتتەر، ۇستازدىڭ كىم ەكەنىن تانىعىسى كەلمەيتىن اتا-انا كوبەيدى مە؟

شىنتۋايتىنا كەلگەندە، مۇنىڭ بارلىعى ءبىزدىڭ ۇستازدارىمىزدى جان-دۇنيەسىن ءتۇسىنىپ، ءتيىستى دارەجەدە تانۋ مۇمكىندىگىن جىبەرىپ الۋىمىزدا. ياعني، ۇستازدارىمىزدى باق-تا بەرىلەتىن اقپاراتتار ارقىلى عانا تانىپ بىلۋىمىزدە. قازىرگى ۋاقىتتاعى اتا-انالار كوپشىلىگى جوعارى ءبىلىمدى، وقىعان نەمەسە وزدەرىن ءبىلىمدى سانايتىن ادامدار.

دەسە دە كوبىمىزدىڭ ۇستازداردىڭ بەدەلى مەن بىلىكتىلىگى تۋرالى بىلەتىنىمىز تەك قانا باق-تىڭ اينالاسىنداعى اقپاراتتار عانا. ارينە، قازىر مەكتەپكە، ۋنيۆەرسيتەتتەرگە بارساڭىز، ساباق بەرۋگە قاتىسىپ كورسەڭىز، ۇستازدىڭ جوعارى ءبىلىمدى جانە كاسىبي مامان ەكەنىن كورۋگە مۇمكىندىگىمىز بار. كابينەتتەردە ۇستاز جانە وقۋشى جەتىستىگى، كوركەمدىك ماتەريالدارمەن كورىنىپ تۇر. بۇل جەتىستىكتى كورەتىن ۇستازدار مەن وقۋشىلار عانا. ال، ۇستازدىڭ ەڭبەگىنىڭ ناتيجەسىن ناقتىلايتىن جانە جالعاستىراتىن اتا-انانىڭ بۇل جەتىستىكتەردەن ەشقانداي حابارى جوق.

ۇستاز تۋرالى اقپارات جەتىسپەۋشىلىكتەن ۇستازدى ءتيىستى دارەجەدە سىيلاي ءبىلۋ جەتىسپەيتىنى بەلگىلى. سوندىقتان، ۇستازدارىمىزدى كاسىبي جاعىنان جاڭاشا تانىتىپ، قوعامدا ۇستاز مارتەبەسىن وزگەشە تانىتۋدىڭ ۋاقىتى كەلدى. ولقىلىقتاردىڭ ورنىن تولتىرىپ، مۇعالىم بەدەلىن كوتەرۋدىڭ ناقتى جولدارىن كوپ بولىپ ويلاستىرساق ەكەن؟ مىسالى، سەرپىن مەديا اقپارات ورتالىعى وسى باعىتتاعى قىزمەتتەرى ۇلگى رەتىندە كورسەتۋگە بولادى!

تەمىرحان Əبدىكوۆ، ارىس قالاسىنداعى ج.بايعۇتتيەۆ اتىنداعى ونەر مەكتەبىنىڭ وقىتۋشىسى

Abai.kz