جۇما, 29 ناۋرىز 2024
قوعام 4945 0 پىكىر 27 قاڭتار, 2017 ساعات 10:41

قىرۋار اقشا قور باسشىسىنا قايدان كەلدى؟

الماتى قالالىق سوتى ءبىرتۇتاس زەينەتاقى جيناقتاۋ قورى (بزجق) باسشىلارىنىڭ تۇتقىندالۋ سەبەبى «بۋزگۋل اۋرۋم» كومپانياسىنىڭ وبليگاتسيالارىن ساتىپ الۋعا بايلانىستى ەكەنىن جاريالادى. ۇلتتىق بانك بۇل قاراجات قوردىڭ ءوز اكتيۆى ەسەبىنەن بولىنگەنىن، سالىمشىلاردىڭ اقشاسى ورنىندا ەكەنىن ايتىپ اقتالدى. اۋ، سوندا ميللياردتاعان سوما قوردىڭ اكىمشىلىگىنە قايدان كەلدى؟ ولار سالىمشىلاردىڭ اقشاسىن، ياعني حالىقتىڭ اقشاسىن اينالدىرۋدان تابىلعان تابىس ەمەس پە؟ قور اكىمشىلىگى مەن قور ەكەۋى ەكى باسقا زاڭدى تۇلعا بولاتىن بولسا، بارشا قازاقستاندىقتاردىڭ قازىر تريلليوننان اسقان سالىمى يەسىز ەكەن-اۋ، ونىڭ اقشاسىن اينالدىرىپ، قورعا تابىس تۇسىرۋگە ءتيىستى اكىمشىلىك جەكە وزىنە تابىس تابا بەرەدى ەكەن-اۋ؟

ماجىلىستەگى قازاقستاننىڭ حالىقتىق كوممۋنيستەرى پارتياسىنىڭ فراكتسياسى اتىنان دەپۋتات ايقىن قوڭىروۆ پرەمەر-مينيستر ب.ساعىنتاەۆ پەن ۇلتتىق بانك توراعاسى د.اقىشەۆكە دەپۋتاتتىق ساۋال جولداپ، مۇندايدىڭ ادىلەتسىزدىك ەكەنىن جەتكىزدى. قور اقشاسىنىڭ اينالىستان تۇسكەن تابىسى تۇتاستاي ونىڭ ءوز قامباسىن تولىقتىرۋى كەرەك دەلىنگەن ساۋالدا.

قوردى باسقارۋشىلاردىڭ قور ارقىلى وزىنە تاپقان تابىسى 2016 جىلدىڭ 11 ايىندا ول 14 ميلليارد 622 ميلليون تەڭگە بولىپتى. بۇل ادىلەتسىزدىك جولىمەن تابىلعان تابىس. اكىمشىلىكتى اينالىستان اقشا تاباتىن ەمەس، ناقتىلى ەڭبەكاقى الاتىن باسقارما قىلىپ قۇرىپ، ەڭبەكاقى قورىن بەلگىلەپ، سودان عانا اقى الۋعا قويۋ كەرەك ەدى عوي. ويتكەنى، قوردىڭ جانىنان تابىس تاباتىن اكىمشىلىك بولسا ول ءوز قالتاسىنىڭ مۇددەسىن كوبىرەك ويلايدى ەمەس پە؟ دەپۋتاتتىڭ ساۋالى وسىنداي ويلارعا جەتەلەيدى.

سەرىك ەلەۋ، ساراپشى

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1581
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2280
عيبىرات

قايسار رۋحتى عازيز جان

مۇحتار قۇل-مۇحاممەد 3606