ۋنيۆەرسيادا شارالارىن وتكىزۋگە بايلانىستى الماتىدا بىرقاتار ۋچاسكەلەردە جەكە كولىك قوزعالىسىنا شەكتەۋلەر قويىلادى. ال قوعامدىق كولىك بەلگىلەنگەن  كەستە بويىنشا جۇرەدى.

الاۋ ەستافەتاسى

جەكسەنبى كۇنى،  29 قاڭتاردا الاۋ ەستافەتاسى مىنا باعىتتار بويىنشا وتەدى دەپ  جوسپارلانعان:

ءال-فارابي اتىنداعى قۇمۋ – تيميريازەۆ كوشەسى – ماناس كوشەسى – اباي داڭعىلى  - سەيفۋللين داڭعىلى – گوگول كوشەسى – سەيفۋللين داڭعىلى – تولە بي كوشەسى – دوستىق داڭعىلى – اباي داڭعىلى – بايتۇرسىنوۆ كوشەسى  - ساتپاەۆ كوشەسى – دوستىق  داڭعىلى – رەسپۋبليكا الاڭى.

بۇل باعىتتار بويىنشا كولىك قوزعالىسى ساعات 10.00 دەن 14.00-گە دەيىن شەكتەلەتىن بولادى.  

الاۋ ەستافەتاسى كوشەلەردىڭ باسىم بولىگىمەن وتەتىندىكتەن اۆتوبۋس باعىتتارى وزگەرمەيدى. اۆتوبۋستار الاۋ ەستافەتاسى وتەتىن بىرقاتار جەرلەردە توقتاتىلادى. وسىلايشا، جوعارىدا اتالعان ۋچاسكەلەردە ءار باعىت بويىنشا كولىكتەر ورتاشا 5-10 مينۋت قانا كىدىرەدى.

اشىلۋ جانە جابىلۋ سالتاناتتارى

ۋنيۆەرسيادا اشىلاتىن 29 قاڭتار مەن  ويىندار اياقتالاتىن 8 اقپان كۇندەرى «الماتى ارەنا» ستاديونىنا كورەرمەندەر مەن قوناقتاردى جەتكىزۋگە ەرەكشە ءمان بەرىلەدى.  ارنايى باعىتتار بويىنشا بىرجاقتى جولاقىسى 100 تەڭگەنى قۇرايدى:

1. ورتالىق ستاديون - «الماتى ارەنا»
2.  استانا الاڭى (قبتۋ) - «الماتى ارەنا»

جارىس كۇندەرىندە

جارىستار وتەتىن كۇندەرى كورەرمەندەردى سپورت  نىساندارىنا تاسىمالداۋ ءۇش نۇكتە ارقىلى  اتقارىلادى:

- ورتالىق  ستاديون;

- «ساياحات» اۆتوبەكەتى;

- الماتى-1 تەمىرجول ۆوكزالى.

بۇلاردان وزگە، كورەرمەندەردى جارىستار وتەتىن  جەرلەرگە بۇرىنان قاتىناپ جۇرگەن  555 اۆتوبۋستار جەتكىزەتىن بولادى:

1.ورتالىق ستاديونعا دەيىن – 17 باعىت، 282 اۆتوبۋس;

2     .شاڭعى ءترامپلينى كەشەنىنە دەيىن – 3 باعىت، 88 اۆتوبۋس;

3. «الماتى ارەناعا» دەيىن – 4 باعىت، 55 اۆتوبۋس;

4.«حالىق ارەناعا دەيىن» – 5 باعىت، 112 اۆتوبۋس;

1. «مەدەۋ»  مۇز ايدىنىنا دەيىن – 2 باعىت، 18 اۆتوبۋس;    

قاجەت بولعاندا باعىتتار كۇشەيتىلەدى.

ۋنيۆەرسيادا ديرەكتسياسى ايتىپ وتكەندەي، ويىندارعا قاتىسۋشىلارعا (سپورتشىلار، تورەشىلەر، تەحنيكالىق  دەلەگاتتار جانە باسقالارى) 519  كولىك بىرلىگى قىزمەت كورسەتەدى.

ء«بىز نەگىزگى جانە التەرناتيۆتى باعىتتاردى جاسادىق، قوزعالىس حرونومەتراجى ەسەپتەلدى،  پوليتسيا  كولىگىنىڭ ەرىپ ءجۇرۋى جوسپارلانعان. باستى ماقسات – قالالىقتاردىڭ كۇندەلىكتى ومىرىنە  ەش كەدەرگى كەلتىرمەي،ۋنيۆەسريادانىڭ ءتيىمدى جانە جايلى لوگيستيكاسىن قامتاماسىز ەتۋ» - دەپ اتاپ ءوتتى  ۋنيۆەرسيادا ديرەكتسياسى.

قالا تۇرعىندارى مەن قوناقتارىنىڭ نازارىنا، كمىدە-كىم ۋنيۆەرسيادا ءوتىپ جاتقان كەزدە جەكە كولىگىن پايدالانعىسى كەلسە، وندا  FISU-ءدىڭ تالاپتارىنا جانە دۇنيەجۇزىلىك پاركتيكاعا ساي ءتۇرلى شارالار ءوتىپ جاتقان جەردىڭ اينالاسىندا 500 مەترلىك قاۋىپسىزدىك ايماعىنىڭ بارىن ەستە ساقتاۋلارى ءتيىس. سوندىقتان، جەكە كولىك يەلەرى ساۋىق-ساۋدا كەشەندەرى ماڭىنداعى تۇراقتارعا كولىكتەرىن قالدىرىپ، ءارى قاراي  قوعامدىق كولىكپەن سپورت نىساندارىنا بارا الادى.

Abai.kz