قاڭتاردىڭ 1-ءى كۇنى شاحان كەنتىندە بولعان توتەنشە وقيعا ەل ءىشىن ءدۇر سىلكىندىردى. كەنتتەگى كوپ قاباتتى ءۇيدىڭ 4-ءشى پودەزدى تۇرعىنداردىڭ قولىمەن جاسالعان جىلىتۋ قازاندىعىنىڭ جارىلۋىنا بايلانىستى قيراپ، 9 ادام كوز جۇماعان ەدى. قازىر شاحاندىقتار (قاراعاندى وبلىسى) جاماۋ-جاسقاۋلى پاتەرلەرىنە قايتا قونىستانىپ جاتىر. بىراق، ولار ءالى ۇرەي قۇشاعىندا.

ەل ءىشى «شاحتەرلار كەنتى» دەپ اتايتىن شاحان كەنتىننىڭ 8 مىڭ تۇرعىنى بار.

جارىلىستىڭ سالدارىنان قيراعان 4-كىرەبەرىستىڭ  ءبىر بولمەلى جانە ەكى بولمەلى پاتەرلەرى شەتىنەن جوندەلىپ، پاتەر يەلەرىنە بەرىلىپ جاتىر. ءۇش بولمەلى پاتەرلەر تەگىس جوندەۋدەن ءوتتى دەپ باعالاۋدا ساراپشىلار.

4-كىرەبەرسپەن كورشى تۇراتىن 76 جاستاعى دوسجان اقساقال دا پاتەرىنە ورالدى. «بىراق بۇل ۇيدە تۇرۋ ەندى قاۋىپتى»، - دەيدى قاريا.

شاحانداعى ونشاقتى ۇيگە وسىنداي قازاندىقپەن جىلۋ بەرىلەدى. قازاندىقتار ءبىرىنشى قاباتتا، قايسىبىرى جەرتولەلەردە ورنالاسقان. شاحاندىقتار 1997 جىلعا دەيىن جۇمىس ىستەپ تۇرعان جىلۋ ورتالىعى قايتادان قالپىنا كەلسە ەكەن دەپ، ۇكىمەتكە ءوتىنىش ءبىلدىرىپ وتىر.

شاحانداعى كوپ قاباتتى ۇيلەردىڭ بىرىندە تۇراتىن 80 جاستاعى گالينا وسيپوۆا باسپاناسىن قولدان جاسالعان  پەشكە وت جاعىپ قانا جىلىتقان بولادى. كەنت تۇرعىندارىنىڭ ءبارى وسىنداي وشاقتىڭ اۋزىندا وتىر.

شاحاندىقتاردىڭ كومىر قوراسى.

كوپ قاباتتى ۇيدە تۇراتىندار كومىردى بالكوندارعا نەمەسە جۋىناتىن بولمەلەرگە ارتىعىمەن اكەلىپ قويادى.

شاحان كەنتىنىڭ اينالاسىن كۇل-قوقىس باسىپ قالعان.

2017 جىل، 13 قاڭتار

Abai.kz