بۋندەسۆەر قولباسشىلىعى وكىلىنىڭ ايتۋىنشا، 7-16 قاڭتار ارالىعىندا كۇن سايىن اسكەري تەحنيكانىڭ ءۇش قۇرامى جىبەرىلىپ وتىرادى. تاسىمالداۋ ءۇشىن 900 ۆاگون قاجەت بولادى، ال قۇرامنىڭ جالپى ۇزىندىعى 14 شاقىرىمعا جەتەدى ەكەن.

«قۇراما شتاتتارى رەسەيمەن سوعىسۋ ءۇشىن گەرمانياعا تانكتەرىن جەتكىزىپ جاتىر»، – دەپ دابىل قاقتى نەمىس باسىلىمى. كەيبىر مالىمەتتەر بويىنشا، بۇل قىرعي-قاباق سوعىستان بەرگى ەڭ ءىرى دايىندىق دەپ ەسەپتەلەدى.

اقش، كانادا، ۇلىبريتانيا جانە گفر بالتىق ماڭى ەلدەرىنە شامامەن ءتورت مىڭ اسكەريدى جونەلتەدى.

ايتا كەتەيىك، YouGov كومپانياسى جۇرگىزگەن الەۋمەتتىك ساۋالنامانىڭ مالىمەتىنشە، امەريكالىقتاردىڭ 64 پايىزى الەم قارۋلى سوعىسقا جاقىنداپ كەلەتىنىنە سەنىمدى. ال سوعىس بولمايدى دەپ تەك 15 پايىزى داۋىس بەرىپتى. اقش تۇرعىندارى دۇنيەجۇزىلىك سوعىسقا سەبەپ دەپ تەرروريزم قاۋپىن، سيرياداعى جانە تاياۋ شىعىستاعى قاقتىعىستاردى اتاپتى.

ۇلىبريتانيالىقتاردىڭ اراسىندا جۇرگىزىلگەن ساۋالناما قورىتىندىسى وسىنداي ناتيجە بەرىپ وتىر ەكەن.

Abai.kz