جۇما, 6 جەلتوقسان 2019
جاڭالىقتار 1885 0 پىكىر 1 قاڭتار, 2017 ساعات 13:16

قىرعىزستان ارزان تۋريستىك باعىتتاردىڭ ۇزدىك تىزىمىنە ەندى

امەريكالىق Forbes قارجى-ەكونوميكالىق جۋرنالى قىرعىزستاندى 2017 جىلعى ارزان تۋريستىك باعىتتاردىڭ ۇزدىك تىزىمىنە ەنگىزدى. تىزىمدە 17 ەل بويىنشا 21 باعىت كورسەتىلگەن. تىزىمدە قىرعىزستان جاڭا تۋريستىك باعىت رەتىندە سيپاتتالعان.

جۋرنالدا قىرعىزستان تاريحى مەن مادەنيەتى باي تاۋلى مەكەن رەتىندە تانىستىرىلدى. بۇعان قوسا، قىرعىزستان - الەمدەگى ەڭ تارتىمدى ءارى كوپشىلىك بىلە بەرمەيتىن ەل. بىشكەك - ورتالىق ازيانى، ۇلى جىبەك جولى مۇراسىن زەرتتەۋگە بولاتىن ەرەكشە ورتالىق.

جۋرنال بيۋدجەتى شەكتەۋلى تۋريستەر ءۇشىن قىرعىستان تاپتىرماس ورىن ەكەنىن ەسكەرتەدى. قالانىڭ تۇرعىن اۋدانىننان باسپانانى بار بولعانى 15 دوللارعا تابۋعا بولادى، تويىپ تاماقتانۋ ءۇشىن 2 دوللار جەتىپ جاتىر. ءتىپتى ءداستۇرلى كيىز ۇيدە بىرنەشە اس مازىرىنە تاپسىرىس بەرۋ ءۇشىن 20 دوللار جەتكىلىكتى بولادى.

جۋرنال تىزىمىنە پورتۋگاليا، وڭتۇستىك كورەيا، رۋمىنيا، وار، گرەتسكيا، فيليپپينى، اۆستراليا، ترينيداد جانە توباگو، سلوۆاكيا، گرۋزيا، لاوس، ەگيپەت، بوليۆيا، يۋتا شتاتى، گۆاتەمالا، بەليز جانە گوندۋراس ەندى.

ەسكە سالايىق، National Geographic, Financial Times, The Guardian جانە
Business Insider باسىلىمدارى قىرعىزستاندى 2016 جىلى تۋريستەر كورۋى ءتيىس ەلدەر قاتارىنا ەنگىزدى.

اباي-اقپارات

0 پىكىر