دۇيسەنبى, 16 جەلتوقسان 2019
جاڭالىقتار 1874 0 پىكىر 1 قاڭتار, 2017 ساعات 13:13

ارمەنيا 2017 جىلى ساۋىردە پارلامەنتتىك باسقارۋ فورماسىنا وتەدى

ارمەنيا پرەزيدەنتى سەرج سارگسيان 2017 جىلى 2 ساۋىردە پارلامەنت سايلاۋىن وتكىزۋ تۋرالى قاۋلىعا قول قويدى، ساياسي ناۋقاننان ءبىر جىلدان سوڭ ارمەنيا قازىرگى جارتىلاي پرەزيدەنتتىك فورمادان پارلامەنتتىك باسقارۋعا وتەدى، دەپ حابارلايدى Reuters.

2015 جىلى جەلتوقساندا ارمەنيا تۇرعىندارى پرەزيدەنتتىڭ بيلىگىن شەكتەپ، ۇكىمەتتىڭ قۇزىرەتىن كۇشەيتۋگە ارنالعان كونستيتۋتسيالىق زاڭ جوباسىن رەفەرەندۋم ارقىلى قولدادى. پرەزيدەنتتىك مەرزىم بەس جىلدان جەتى جىلعا دەيىن ۇزاردى، بىراق ونىڭ قۇزىرەتى شەكتەلدى.

وپپوزيتسيا بۇل زاڭعا قارسى شىعىپ، سارگسيان پرەمەر-مينيستر قىزمەتىنە اۋىسۋ ارقىلى بيلىگىن ساقتاپ قالعىسى كەلەدى دەگەن كۇدىكتەرىن ايتتى. سارگسيان مۇنداي ايىپتاۋلاردى جوققا شىعارىپ وتىر.

سارگسيان پرەزيدەنتتىك قىزمەتتە 2018 جىلعا دەيىن وتىرادى. ودان سوڭ ەل پارلامەنتتىك باسقارۋ فورماسىنا ءوتىپ، پرەزيدەنتتى پارلامەنت سايلايتىن بولادى.

اباي-اقپارات

0 پىكىر