جۇما, 29 ناۋرىز 2024
ەكونوميكا 5729 0 پىكىر 27 جەلتوقسان, 2016 ساعات 00:00

قازاقستاندىق پوليپروپيلەن زاۋىتى ونىمدەرىنىڭ 90% ەكسپورتتاۋدى جوسپارلاپ وتىر

اتىراۋ وبلىسىنداعى بىرىكتىرىلگەن گاز-حيميا كەشەنىنىڭ پوليپروپيلەن ونىمدەرىنىڭ 90% ەكسپورتقا شىعارىلاتىن بولادى. بۇل تۋرالى جۋرناليستەرگە بەرگەن سۇحباتىندا «سامۇرىق-قازىنا» اق باسقارما توراعاسى ومىرزاق شوكەەۆ مالىمدەدى.

«قازىرگى كەزدە ىسكە اسىرۋدىڭ بەلسەندى ساتىسىندا –  پوليپروپيلەن ءوندىرۋ جوباسى. زاۋىتتى ىسكە قوسۋ 2020 جىلدىڭ سوڭىنا جوسپارلانىپ وتىر. شىعارىلعان وىمدەردىڭ 90% ەكسپورتقا جونەلتىلەتىن بولادى، 10% ىشكى ءوندىرىستى دامىتۋ ءۇشىن قازاقستاندا قالادى»، - دەپ قور باسشىسى حيميا ونەركاسىبىن دامىتۋ تۋرالى اڭگىمەسىندە ايتىپ ءوتتى.

زاۋىت مۇناي-حيميا ونەركاسىبىن دامىتۋدىڭ ۇكىمەتتىك باعدارلاماسى اياسىندا ازىرلەنگەن «اتىراۋ وبلىسىنداعى ينتەگراتسيالانعان گاز-حيميا كەشەنىنىڭ قۇرىلىسى» جوباسىنىڭ ءبىر بولىگى بولىپ تابىلادى.

اتىراۋ مۇناي-حيميا كلاستەرى بازالىق ونىمدەرى: پوليپروپيلەن، پوليەتيلەن شىعارۋمەن قاتار، كومىرسۋتەكتى شيكىزاتتاردى تەرەڭ وڭدەۋدى كوزدەيدى. جوبالاردىڭ جالپى قۇنى 10 ملرد دوللارعا دەيىن باعالانادى.

«وسى تۇپكى ونىمدەر - پوليپروپيلەن، پوليەتيلەن توڭىرەگىندە ودان ءارى وڭدەلەتىن پوليمەر ونىمدەرىنىڭ 50-دەن استام ءتۇرىن شىعارۋ جوسپارلانىپ وتىرعان، شاعىن جانە ورتا بيزنەس كاسىپورىندارىن قۇرۋعا بولادى»، - دەپ ەسەپتەيدى ءو. شوكەەۆ.

جوبانى قازاقستاندا حيميا ونەركاسىبىن جاڭعىرتۋ جانە وسى سالاداعى يننوۆاتسيالىق جوبالاردى ىسكە اسىرۋ ءۇشىن ارنايى قۇرىلعان «سامۇرىق-قازىنا» قورىنىڭ ەنشىلەس كومپانياسى «بىرىككەن حيميالىق كومپانيا» جشس جۇزەگە اسىرۋدا.

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1584
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2284
عيبىرات

قايسار رۋحتى عازيز جان

مۇحتار قۇل-مۇحاممەد 3622