بۇل توبەلەس ايەلدى اراشالاۋدان شىقتى ما، الدە الاۋىزدىقتان شىقتى ما؟

الەۋمەتتىك تەڭسىزدىك، ۇلتارالىق ارازدىق تارتىسى «الەمدەگى ەڭ ادەمى قالا» استاناعا دا كەلىپ جەتتى. استانا قالالىق ىشكى ىستەر دەپارتمەنتىنىڭ مالىمەتى بويىنشا، «ارتەم» ساۋدا ۇيىندەگى توبەلەس 16 ماۋسىم كۇنى كەشكى ساعات 20.00 شاماسىندا بولعان. Nur.kz پورتالىنىڭ حابارلاۋىنا قاراعاندا، وقيعا «ارتەم» كۇزەتشىلەرىنىڭ ءۇش بالا ەرتكەن جاس كەلىنشەكتىڭ ساۋدا ءۇيى الدىندا قايىر سۇراۋىنا رۇقسات ەتپەۋىنەن باستالعان.

ال وقيعا ورنىندا «تىنىشتىقتى قالپىنا كەلتىرگەن» پوليتسيانىڭ اقپاراتى بويىنشا، كۇزەتشىلەر كەلىنشەكپەن سوزگە كەلىپ قالىپ، وقيعا ورنىنا ءبىر توپ ادام جينالىپ، توبەلەس بولعان. پوليتسيا 18 ادامدى جاعدايدى انىقتاۋ جانە وقيعاعا قاتىسى بارىن انىقتاۋ ءۇشىن ۇستاعان. ءىىد وقيعادان زارداپ شەككەندەر مەن بۇلىنگەن نىسان جوعىن ايتادى.

قازىر «جەكە مەنشىك كۇزەت قىزمەتىنىڭ قىزمەت وكىلەتىن اسىرا پايدالانۋى» جانە ساۋدا ءۇيى كۇزەتشىلەرىنىڭ شاعىمى بويىنشا «بۇزاقىلىق» بابىمەن ءىس قوزعالىپ، تەرگەۋ جۇمىسى جۇرگىزىلىپ جاتىر.

دەگەنمەن، وقيعا كۋاگەرلەرىنىڭ ينتەرنەت جەلىلەرىندە جازۋىنا قاراعاندا، وقيعاعا سەبەپكەر بولعان ءۇش بالالى كەلىنشەك – ەكىنشى توپتاعى مۇگەدەك ەكەن. جۇمىسسىزدىق سالدارىنان تۇرمىستىق تاۋقىمەت تارتقان ايەل سوڭعى ۋاقىتتا قايىر تىلەۋمەن كۇن كورگەن. ول كەزەكتى رەت قايىر تىلەۋگە كەلگەندە، «ارتەم» ساۋدا ءۇيىنىڭ كۇزەتشىلەرى ونى ىشكە كىرگىزبەي قويعان. سول ارادا تىلەنشى كەلىنشەك پەن كۇزەتشىلەر اراسىندا داۋ-داماي تۋادى.

بۇل جاعدايدى كورگەن ءبىر توپ قازاق جىگىتتەرى بەيباق انانى باسقا ۇلت وكىلدەرى باسىم كۇزەتشىلەردەن قورعاۋ نيەتىمەن سوزگە ارالاسادى. ال بۇل جانجالدىڭ ءمان-جايىن بىلگەن جانە قايىرشىلىققا تاپ بولعان اناعا اراشاشى بولۋعا ۇمتىلعاندار قاتارى كەنەتتەن كوبەيىپ كەتكەنىن كورگەن ساۋدا ءۇيىنىڭ قاۋىپسىزدىك قىزمەتى توبىردى تارقاتۋ ءۇشىن قوسىمشا كۇزەت كۇشىن جىبەرەدى. وسىلايشا سوڭى ەكى مىڭعا جۋىق جاستار قاتىسقان توبەلەسكە اينالعان بۇل جانجالعا ساۋدا ءۇيى كۇزەتشىلەرىنىڭ اپەرباقان ارەكەتى سەبەپ بولعان.

ال «فەيسبۋك» جەلىسىندەگى تاعى ءبىر جازبالاردا كورسەتىلگەن دەرەكتەرگە قاراعاندا، كۇزەتشى قىزمەتكەرلەردىڭ دەنى كاۆكازدىق ۇلت وكىلدەرى بولعان. ولاردىڭ قازاق ايەلىنە كورسەتكەن وركوكىرەك ارەكەتىنە نامىستانعان قازاق جىگىتتەرى دەرەۋ «ىسكە كىرىسكەن». ال «قازاق ايەلىن ينگۋشتار ساباپ جاتىر» دەگەن سوزگە ەلىتكەن ءارلى-بەرلى جۇرگىنشىلەر توبەلەسۋشى توبىردىڭ توبىن تولىقتىرعان.

وسى ورايدا كۋنانباي تۋلەۋوۆ دەگەن جەلى قولدانۋشى بىلاي جازادى: «جەنششينا-كازاشكا – منوگودەتنايا مات پري منە ۆستالا ي سكازالا، چتو ۆزورۆەت سەبيا: «يا – گوۆوريت، – سمەرتنيتسا!». پىتالسيا ۋسپوكويت ەە، ۆسە ۆوكرۋگ رازبەجاليس. تۋت جە پريەحالا گرۋپپا س مۆد. وتسەپيلي زدانيە. ودنوۆرەمەننو تسەلايا تولپا پيانىح سترويتەلەي – وني سترويات لەۆوە كرىلو «ارتەما»: تام كازاحي، تادجيكي، نو بولشەي چاستيۋ ينگۋشي ي چەچەنتسى. تۋت ودين دۋراك ۆزيال ي شۆىرنۋل ۆ مۆد گورياچۋيۋ بۋتىلكۋ. سپەتسناز سرازۋ ستال سترەليات: پۋلي – رەزينوۆىە، پوتوم پۋستيلي سلەزوتوچيۆىي گاز…».

قازىر قالالىق ءىىد-ءنىڭ قىزمەتكەرلەرى تەرگەۋ جۇمىستارىن جۇرگىزۋدە. ماسەلەنىڭ ناقتى ءمان-جايى، جانجالدىڭ اقيقاتى وسى تەكسەرىستەن كەيىن تولىق انىقتالۋى ءتيىس. ولاي بولماعان جاعدايدا، استانا قالاسىندا قازاقتان باسقا ۇلت وكىلدەرىنە دەگەن وشپەندىلىك ءورشىپ كەتۋى ابدەن مۇمكىن.

«D»