شەنەۋنىكتەردەن حالىقپەن تۇسىنىكتى تىلدە سويلەسۋ سۇرالدى، - دەپ حابارلايدى Tengrinews.kz. بۇل تۋرالى بۇگىن "دەموكراتيا ينستيتۋتىنىڭ" جوبالار بويىنشا ديرەكتورى يۋليا كۋچينسكايا ۇلت جوسپارى - "100 قادام" تالقىلانعان قازاقستاننىڭ جالپىۇلتتىق دەموكراتيالىق كۇشتەرى كواليتسياسىنىڭ ءماجىلىسى بارىسىندا مالىمدەگەن.

"بۇگىنگى تاڭدا مەملەكەت قىزمەتى تۋرالى كەڭىنەن ءارى ءتيىمدى تۇردە اقپاراتتاندىرۋ قاجەت. سونىمەن قاتار، ول اقپاراتتاندىرۋ حالىققا تۇسىنىكتى تىلدە ءجۇرۋى ءتيىس. نازار اۋدارىڭدارشى، حالىق اراسىندا سولاردىڭ تىلىندە سويلەيتىن ساراپشىلار سۇرانىسقا يە ءارى تانىمال. سەبەبى ءبىز عىلىمي تەرميندەرمەن سويلەي باستاعاندا، ورتا ساناتتى ادام نە تۋرالى ايتىلعانىن تۇسىنبەيدى. ول سوندا قالاي جۇمىس ىستەيدى، قايدا بارادى، نە ىستەيدى", - دەگەن يۋليا كۋچينسكايا. ول سونداي-اق، بۇگىندە جەرگىلىكتى حالىقتىڭ ءوز دەپۋتاتتارىن بىلمەيتىندەرىن جانە ولارعا قالاي بارىپ، وزدەرىن قىزىقتىرعان سۇراقتارىن قالاي قويۋدى بىلمەيتىندەرىن دە ايتتى.

ءوز كەزەگىندە: "راسىندا دا، مەملەكەتتىك ورگاندار نورمالارعا سىلتەپ، تۇسىنىكسىز جاۋاپتار بەرىپ كۇنا جاساپ وتىر. شىن مانىندە بۇل كومەكتەسپەيدى", - دەپ كەلىسكەن بايانداما جاساۋشىمەن "نۇر وتان" پارتياسى توراعاسىنىڭ ورىنباسارى باۋىرجان بايبەك.

اباي-اقپارات